اللا تاعالا ەلباسىمىزعا وسى بٸر سىناقتى ەڭسەرۋگە كٷش-قۋات بەرسٸن. مۇنداي تٸلەگٸن قازاقستان مۇسىلماندارى دٸني باسقارماسىنىڭ تٶراعاسى ناۋرىزباي قاجى تاعانۇلى جەتكٸزدٸ, دەپ حابارلايدى قازاقپارات.
«ٶزدەرٸڭٸز كٶز جەتكٸزٸپ وتىرعانداي, ەلٸمٸزدە جۇقپالى ٸندەتتٸڭ قاۋپٸ تولىق سەيٸلگەن جوق. بۇل كارانتين رەجيمٸنٸڭ تالاپتارىنا باعىنىپ, ساقتىق شارالارىنا اسا مەن بەرۋٸمٸز قاجەت دەگەن سٶز. جاستى دا, ٷلكەندٸ دە ايامايتىن كوروناۆيرۋس دەرتٸ قازاقستان رەسپۋبليكاسىنىڭ تۇڭعىش پرەزيدەنتٸ - ەلباسىن دا اينالىپ ٶتپەگەندٸگٸ جايلى حابار جەتتٸ. اللا تاعالا دٸنٸمٸز بەن دەستٷرٸمٸزدٸڭ جاناشىرى ەلباسىمىزعا شيپا بەرسٸن دەپ تٸلەيمٸز. كوروناۆيرۋس ينفەكتسيياسىنا بايلانىستى وقشاۋلانىپ, ەمدەلٸپ جاتقان ەل قامىنداعى ەل اعالارى مەن بارشا ازاماتتارعا جاراتقاننىڭ ٶزٸ جار بولعاي! اللا تاعالا ەلباسىمىزعا وسى بٸر سىناقتى ەڭسەرۋگە كٷش-قۋات بەرسٸن! جاراتقان جاپپار يەمٸز جەر بەتٸنەن وسى جۇقپالى ٸندەتتٸ جويىپ, قالىپتى ٶمٸر تٸرشٸلٸگٸنە ورالاتىن كٷندٸ جاقىن ەتكەي!» - دەدٸ ەلٸمٸزدٸڭ باس مٷفتيٸ.
سونىمەن قاتار, ول قاسيەتتٸ كٸتابىمىز قۇراندا «راسىندا قيىندىقپەن بٸرگە جەڭٸلدٸك بار, اللا سەندەرگە جەڭٸلدٸك قالايدى» دەلٸنگەندٸگٸن اتاپ ٶتەدٸ.
«بارشا جاماعاتتى وسىناۋ قيىن سەتتە بٸر-بٸرٸمٸزدٸ قولداپ, ەلٸمٸزدٸڭ اماندىعىن سۇراپ, جۇقپالى دەرتتەن تەزٸرەك ايىعۋ ٷشٸن نامازدارىمىزدان كەيٸن كٶبٸرەك يستيعفار مەن سالاۋات ايتىپ, دۇعا جاساۋعا شاقىرامىن. جاراتقان اللا حالقىمىزعا اماندىق بەرسٸن! ناۋقاس جانداردىڭ تەزٸرەك ايىعىپ كەتۋٸن تٸلەيمٸز. ەلٸمٸز امان, جۇرتىمىز تىنىش بولعاي! اللا تاعالا قاسيەتتٸ وتانىمىزدى ٸندەتتەن امان ساقتاپ, تەزٸرەك جاقسى كٷندەردە جولىعۋدى بارشامىزعا نەسٸپ ەتكەي!» - دەدٸ ناۋرىزباي قاجى تاعانۇلى.
.jpeg)