«استانا ەكسپو 2017» ۇلتتىق كومپانيياسى باسقارما تٶراعاسىنىڭ بٸرٸنشٸ ورىنباسارى ەلٸشەر پٸرمەتوۆ Atameken business channel تٸلشٸسٸنە بەرگەن سۇحباتىندا حالىقارالىق ماماندىرىلعان كٶرمەنٸڭ نەتيجەلەرٸ مەن ونىڭ قازاقستان ھەم ەل سەرٸكتەستەرٸنٸڭ دامۋىنا ەكونوميكالىق ەسەرٸ تۋرالى, ودان بٶلەك EXPO-2017 كٶرمەسٸنٸڭ ەكونوميكانىڭ بٷتٸن سالاسىنا تيگٸزگەن پايداسى حاقىندا ايتىپ, ٶز وي-پٸكٸرٸمەن بٶلٸسكەن, دەپ جازادى "ۇلت اقپارات".
ونىڭ سٶزٸنشە, ايتۋلى شارا ەلٸمٸز بەن ونىڭ استاناسىنىڭ تۋريستٸك ەلەۋەتٸن ايتارلىقتاي دامىتىپ, جاڭا بەلەستەرگە شىعاردى.
«سٶزسٸز, كەلۋشٸلەر سانىنىڭ كٶپتٸگٸ - نەگٸزگٸ كٶرسەتكٸشتەردٸڭ بٸرٸ. ٶيتكەنٸ قاي كٶرمە بولسىن قوناق ٷشٸن قىزمەت جاسايدى. ونىڭ ٸشٸندە - بٸزدٸكٸ دە. ياعني ولاردىڭ سانى مەن كٶرٸلٸم سانى - ەكٸ باستى كٶرسەتكٸش. «استانا ەكسپو» نەتيجەلەرٸ بارلىق بولجام مەن ٷمٸتتٸ اقتادى. تٸركەۋ قۇجاتتاماسى بويىنشا بٸز ەكٸ ميلليوننان استام قوناق كٷتكەنبٸز, ال كٶرمەگە تٶرت ميلليونعا جۋىق ادام كەلدٸ. ونىڭ جارتى ميلليونى - 187 ەلدەن كەلگەن تۋريستەر. وبەكتٸلەردٸ كٶرۋ جەنە ارالاۋ كٶرسەتكٸشتەرٸ بويىنشا دا نەتيجە تاڭقالارلىق. جوسپارلاعان بەس ميلليون كٶرٸلٸمنٸڭ ورنىنا 33 ميلليون. ەڭ كٶپ قارالعان پاۆيلون - "نۇر ەلەم". ول قازاقستان مەن استانانىڭ بەتكە ۇستار جەرٸنە, ماقتانىشى مەن بٸرٸنشٸ تۋريستٸك اۋماعىنا اينالدى.
ەكٸنشٸدەن, بٸز ٷشٸن ەلوردالىق بيزنەسمەندەردەن كەلگەن حات كٷتپەگەن جاعداي بولدى. ولار كٶرمە ۋاقىتىن سوزا تۇرۋدى ٶتٸندٸ. ەرينە, ولاردىڭ ٶتٸنٸشٸن ورىنداۋعا بولاتىن ەدٸ. دەگەنمەن كٶرمەلەردٸڭ حالىقارالىق بيۋروسىنىڭ رەگلامەنتٸ مەن قاتىسۋشى ەلدەر بيۋدجەتٸنٸڭ ەسەبٸنە بايلانىستى ونداي قادامعا بارا المادىق. بٸراق بيزنەستٸڭ مۇنداي رەاكتسيياسىنىڭ ٶزٸ - ٷلكەن جەتٸستٸك. كٶرمەگە دەيٸنگٸ نەگٸزگٸ دايىندىق كەزەڭٸندە, ياعني احمەتجان ەسٸموۆتىڭ تٶراعالىققا كەلگەن تۇسىنان ەل بويىنشا ون مىڭداعان جۇمىس ورىندارى اشىلدى. بٸز ەرينە ٸشكٸ جەنە كٸرمە-تۋريزمگە كٶپتەن كٷتكەن سەرپٸلٸس سىيلايمىز دەپ ويلادىق. ال, اسىلىندا ەلورداداعى تۋريستٸك بيزنەستٸڭ مۇنداي ٶسٸمٸ مەن ٶركەندەۋٸن ەش كٷتكەن جوقپىز», - دەيدٸ ول سٶزٸندە.
ودان بٶلەك, ەلٸشەر حابيبوللاۇلى "ەكسپو"-نىڭ مٸندەتٸ - مٷمكٸندٸكتەر جاساۋ ەكەنٸن تاعى بٸر ەسكە تٷسٸرۋدٸ جٶن ساناعان.
"قالعان ايماقتاردا دا ٶسٸم بار دەپ ويلايمىز. مەنٸڭشە, ول جىل سوڭىندا, قورىتىندى ستاتيستيكالار جاسالعان تۇستا بەلگٸلٸ بولادى دەپ بولجايمىن. سوسىن, تاعى بٸر مەسەلە, بٸز احمەتجان سماعۇلۇلى ايتقانداي, "ەكسپو"-نىڭ مٸندەتٸ - مٷمكٸندٸكتەر جاساۋ ەكەنٸن ۇعۋىمىز كەرەك. ولاردى قولدانۋ-قولدانباۋ - ٶزگە مەملەكەتتٸك قۇرىلىمدار مەن جەرگٸلٸكتٸ بيلٸك ورگاندارىنىڭ قابٸلەتتٸلٸگٸ مەن جۇمىس جٷيەلٸگٸنە بايلانىستى. ٶز باسىم, استانا ەكٸمدٸگٸ بۇل مٷمكٸندٸكتەردٸ تولىق قولداندى دەپ ەسەپتەيمٸن.
مىسالى بٸز استانانىڭ تۋريستٸك بيزنەسٸندە ٶز جەتٸستٸگٸمٸزدٸ كٶرٸپ وتىرمىز. ونى دەل سول تۋركومپانييالاردىڭ جەرگٸلٸكتٸ تۋريستەردٸ دەلدال رەتٸندە تٷركييا مەن ەگيپەتكە جٸبەرۋدەن ارتىق پايدا ەكەلەتٸن ٸشكٸ جەنە كٸرمە-تۋريزمنٸڭ بار ەكەنٸن ۇققانىنان بايقاۋعا بولادى. ەندٸ ولار ەل ەكونوميكاسىنا قاتار پايدا تٷسٸرەتٸن سول نارىق ٷشٸن تارتىسۋعا بولاتىنىن تٷسٸندٸ.
ٷشٸنشٸدەن, دايىندىق بارىسىنداعى 50 مىڭ جاڭا جەنە ساقتالعان جۇمىس ورنى مەن كٶرمەنٸڭ ٶتۋ كەزەڭٸندەگٸ 20 مىڭ جۇمىس ورنى دا - جەتٸستٸك. ماعان دەل وسىنداي جەتٸستٸكتەرٸمەن ماقتانا الاتىن بٸر مەملەكەتتٸك باعدارلاما كٶرسەتٸڭٸزشٸ.
تٶرتٸنشٸدەن, ەلەم بويىنشا مەدييا مەن جارناما ارقىلى 2,6 ميلليارد ادام "كٶرمە كەڭٸستٸگٸنە" ەنٸپ, سىرتتاي دا بولسا كٶرٸپ-بٸلدٸ. ال, بەسٸنشٸدەن, ەڭ باستىسى, بٸز سالىستىرمالى تٷردە شاعىن عانا اۋداندا ەلەمنٸڭ تٷكپٸر-تٷكپٸرٸنەن جيناقتالعان 193 وزىق تەحنولوگييانىڭ جەتٸستٸگٸن پاش ەتتٸك جەنە سول ارقىلى قازاقستاندىقتارعا "ەلەم الداعى ۋاقىتتاردا وسىلاي ٶمٸر سٷرەتٸن بولسا, بٸز قالاي ٶمٸر سٷرەمٸز?" دەگەن ساۋال تٶڭٸرەگٸندە ويلانۋعا مٷمكٸندٸك جاسادىق. مەنٸڭشە, "ەكسپو"-دان كەيٸنگٸ ەسەرمەن ون شاقتى ورتاقول تەحنولوگييا كومپانييا قۇرىلاتىن بولسا, بۇنىڭ ٶزٸ ٷلكەن جەتٸستٸك بولماق", - دەيدٸ ول تٸلشٸگە بەرگەن جاۋابىندا.
سٶز سوڭىندا تٶراعا ورىنباسارى ەكسپو ەسەرٸنٸڭ ەلٸ دە ساقتالعانىن جەنە الداعى بٸرنەشە جىلعا دەيٸن جالعاساتىنىن ايتادى.
