نۇر-سۇلتان قالاسىنىڭ سوت ورىنداۋشىلارى بالالارىنا اليمەنت تٶلەيدەن جالتارىپ جٷرگەن بورىشكەردٸڭ Toyota Land Cruiser Prado كٶلٸگٸن الىپ قويدى, دەپ حابارلايدى "ۇلت اقپارات".
2020 جىلى شىعارىلعان Toyota Land Cruiser Prado كٶلٸگٸن الىپ قويۋ كۋەگەرلەردٸڭ, پوليتسييا دەپارتامەنتٸ قىزمەتكەرلەرٸنٸڭ, سونىمەن قاتار ەلوردانىڭ جەكە سوت ورىنداۋشىسىنىڭ قاتىسۋىمەن ٶتتٸ. ازامات ا-نىڭ بالاسى الىنداعى اليمەنت قارىزىنىڭ جالپى سوماسى 7 450 000 تەڭگەنٸ قۇرايدى. بورىشكەر 2019 جىلدان بەرٸ اليمەنت تٶلەۋدەن جالتارىپ جٷرگەن.
«كٶلٸكتٸ الىپ قويعانعا دەيٸن ازامات ا سوت ورىنداۋشىسىنا جۇمىس ورنىنان 40 مىڭ تەڭگە جالاقى الاتىندىعى تۋرالى انىقتاما ۇسىنعان. وسى ورايدا 40مىڭ تەڭگە تابىس تاۋىپ وتىرىپ 2020 جىلى شىعارىلعان Toyota Land Cruiser Prado ماركالى اۆتوموبيلدٸ قالاي ساتىپ الۋعا , بۇعان قوسا ٶز بالاسىنا قالاي اليمەنت تٶلەمەۋگە دەگەن زاڭدى ساۋال تۋىندايدى. ايتا كەتەرلٸگٸ مۇنداي كٶلٸكتٸڭ نارىقتاعى باعاسى 28 ملن تەڭگەدەن اسىپ جىعىلادى», - دەدٸ نۇر-سۇلتان قالالىق جەكە سوت ورىنداۋشىلارى ٶڭٸرلٸك پالاتاسى باسشىسىنىڭ ورىنباسارى مادينا جاناساەۆا.
Toyota Land Cruiser Prado كٶلٸگٸ ارناۋلى ايىپ تۇراعىنا قويىلدى. وسىدان كەيٸن كٶلٸك قۇرالىنا باعالاۋ جٷرگٸزٸلٸپ, اۋكتسيونعا ساتىلىمعا شىعارىلادى.
«وسىلايشا, ەڭ الدىمەن بورىشكەر بالاسىنىڭ الدىنداعى قارىزىن ٶتەيتٸن بولادى», - دەدٸ ول.
