Nur-Sultan qalasynyń sot oryndaýshylary balalaryna aliment tóleiden jaltaryp júrgen boryshkerdiń Toyota Land Cruiser Prado kóligin alyp qoidy, dep habarlaidy "Ult aqparat".
2020 jyly shyǵarylǵan Toyota Land Cruiser Prado kóligin alyp qoiý kýágerlerdiń, Politsiia departamenti qyzmetkerleriniń, sonymen qatar elordanyń jeke sot oryndaýshysynyń qatysýymen ótti. Azamat A-nyń balasy alyndaǵy aliment qaryzynyń jalpy somasy 7 450 000 teńgeni quraidy. Boryshker 2019 jyldan beri aliment tóleýden jaltaryp júrgen.
«Kólikti alyp qoiǵanǵa deiin azamat A sot oryndaýshysyna jumys ornynan 40 myń teńge jalaqy alatyndyǵy týraly anyqtama usynǵan. Osy oraida 40myń teńge tabys taýyp otyryp 2020 jyly shyǵarylǵan Toyota Land Cruiser Prado markaly avtomobildi qalai satyp alýǵa , buǵan qosa óz balasyna qalai aliment tólemeýge degen zańdy saýal týyndaidy. Aita keterligi mundai kóliktiń naryqtaǵy baǵasy 28 mln teńgeden asyp jyǵylady», - dedi Nur-Sultan qalalyq jeke sot oryndaýshylary óńirlik palatasy basshysynyń orynbasary Madina Janasaeva.
Toyota Land Cruiser Prado kóligi arnaýly aiyp turaǵyna qoiyldy. Osydan keiin kólik quralyna baǵalaý júrgizilip, aýktsionǵa satylymǵa shyǵarylady.
«Osylaisha, eń aldymen boryshker balasynyń aldyndaǵy qaryzyn óteitin bolady», - dedi ol.
