ەليحان سمايىلوۆ عاسىر جاساعان ۇوس ارداگەرٸن جەڭٸس كٷنٸمەن قۇتتىقتادى, دەپ حابارلايدى "ۇلت اقپارات" ٷكٸمەتتٸڭ باسپاسٶز قىزمەتٸنە سٸلتەمە جاساپ.
سولتٷستٸك قازاقستان وبلىسىنا جۇمىس ساپارىمەن بارعان قر پرەمەر-مينيسترٸ ەليحان سمايىلوۆ جاقىندا 100 جاسقا تولعان مەرەيتويىن اتاپ ٶتكەن ۇلى وتان سوعىسىنىڭ ارداگەرٸ ۆالەنتينا ۆولكوداۆپەن كەزدەسٸپ, ونى الداعى جەڭٸس كٷنٸ مەرەكەسٸمەن قۇتتىقتادى.
«سٸز – اتى اڭىزعا اينالعان جەڭٸمپازداردىڭ بٸرٸسٸز. تاباندىلىق, قايسارلىق پەن ٶر رۋحتىڭ ارقاسىندا سٸز ادامزاتتىڭ باعا جەتپەس قۇندىلىعى – ەركٸندٸكتٸ قورعاپ قالدىڭىز. بٷگٸندە قازاقستاندىقتار بەيبٸت اسپان استىندا ەڭبەك ەتٸپ, جەتٸستٸكتەرٸنە قۋانىپ, بولاشاعىنا زور سەنٸممەن قاراي الادى. مۇنىڭ بەرٸنە ۇلى جەڭٸس قاھارماندارىنىڭ, سونىڭ ٸشٸندە سٸزدٸڭ ارقاڭىزدا قول جەتكٸزٸلدٸ», — دەدٸ ەليحان سمايىلوۆ.
پرەمەر-مينيستر بٸزدٸڭ مٸندەتٸمٸز – ٶسكەلەڭ ۇرپاقتى جوعارى پاتريوتتىق قۇندىلىقتارعا تەربيەلەۋ ەكەنٸن اتاپ ٶتتٸ.
«سٸزدٸ قۇتتىقتاي وتىرىپ, ۇلى وتان سوعىسىنىڭ بارلىق باتىرىنا قۇرمەت كٶرسەتەمٸن. زور دەنساۋلىق پەن سارقىلماس كٷش-قۋات تٸلەيمٸن! سٸزدٸڭ ٶنەگەلٸ ٶمٸر جولىڭىز بەن عيبراتتى عۇمىرىڭىز جاستارىمىزعا ٷلگٸ بولسىن», — دەپ تٷيٸندەدٸ ٷكٸمەت باسشىسى.
ايتا كەتسەك, ۆالەنتينا ۆولكوداۆ 1922 جىلى 22 ناۋرىزدا دٷنيەگە كەلگەن. 1941 جىلعى 1 قازاندا قىزىل ەسكەر قاتارىنا شاقىرىلىپ, 1945 جىلعى 20 قازاندا جاۋىنگەرلٸك جولىن اياقتادى. 1-شٸ بەلارۋس جەنە 1-شٸ ۋكراينا مايداندارىندا سەرجانت اتاعىندا قىزمەت ەتتٸ.
ۆالەنتينا ارحيپوۆنا — 2-دەرەجەلٸ وتان سوعىسى وردەنٸنٸڭ, «ۆارشاۆانى ازات ەتكەنٸ ٷشٸن», «بەرليندٸ العانى ٷشٸن», «ەڭبەك ارداگەرٸ» جەنە باسقا دا مەدالداردىڭ يەگەرٸ. 1962 جىلدان باستاپ تسەلينوگرادتاعى كەراميكا زاۋىتىندا بۋحگالتەر بولىپ جۇمىس ٸستەدٸ, ال 1992 جىلدان باستاپ پەتروپاۆلدا تۇرادى. زەينەتكەردٸڭ تٶرت نەمەرەسٸ جەنە ٷش شٶبەرەسٸ بار.
