«قازمۇنايگاز» ۇك» اق باسقارما تٶراعاسى اليك ايدارباەۆ كومپانييا قۇرىلىمدارىن ارى قاراي وڭتايلاندىرۋعا قاتىستى ۇسىنىستاردى ەنگٸزدٸ, دەپ حابارلايدى قازاقپارات.
«بٸز داعدارىستان كەيٸنگٸ كەزەڭگە دايىندىق جاساپ جاتىرمىز. كومپانييانىڭ قارجىلىق جاعدايىن قولداۋ ٷشٸن جەكەشەلەندٸرۋ باعدارلامالارى سەكٸلدٸ بٸرقاتار شارا قايتا قارالادى. سونىمەن بٸرگە «قازمۇنايگاز» قۇرىلىمدارىن ارى قاراي وڭتايلاندىرۋعا قاتىستى ۇسىنىستار بار. قۇرمەتتٸ نۇرسۇلتان ەبٸشۇلى! سٸزدٸڭ باسشىلىعىڭىزبەن تەۋەلسٸزدٸك جىلدارىنان بەرٸ مۇناي مەن گاز بويىنشا قۋاتتى كٶلٸك ينفراقۇرىلىمى جاسالدى. كەڭقيياق-اتىراۋ سەكٸلدٸ مۇناي قۇبىرلارى سالىندى. اتىراۋ-سامار مۇناي قۇبىرىنىڭ ٶتكٸزۋ قۋاتى ارتتى. قازاقستان – قىتاي, بەينەۋ – شىمكەنت, سارىارقا گاز قۇبىر جەلٸلەرٸ سالىندى. وسى ينفراقۇرىلىمنىڭ بەرٸ دە قازٸرگٸ تاڭدا بٸزدٸڭ ەنشٸلەس ەكٸ كومپانيياعا – «قازترانسويل» مەن «قازترانسگازعا» تيەسٸلٸ. وسى ەكٸ كومپانييانىڭ «قازمۇنايگاز» قۇرامىندا بولۋى تولىعىمەن ٶزٸن-ٶزٸ اقتادى. رەسۋرستاردىڭ بەرٸن بٸر ورتالىققا باعىتتاۋ كەرەك بولدى. قازٸرگٸ ۋاقىتتا وسى ەكٸ كومپانييا قازٸر ٶزدٸگٸنەن جۇمىس ٸستەيتٸن دەڭگەيگە جەتتٸ», - دەدٸ اليك ايدارباەۆ ەلباسى نۇرسۇلتان نازارباەۆتىڭ تٶراعالىعىمەن ٶتكەن «سامۇرىق-قازىنا» كەڭەسٸنٸڭ وتىرىسىندا.
وسىعان بايلانىستى اليك ايدارباەۆ العاشقى كەزەڭدە «قازترانسگاز» كومپانيياسىن عانا «قازمۇنايگازعا» تٸكەلەي باعىنىشتى كٷيٸندە قالدىرۋدى ۇسىندى.
«بۇل – بٸرٸنشٸدەن باسقارۋ دەڭگەيٸن قىسقارتۋعا, ەكٸنشٸدەن «قازمۇنايگاز» ٸرو-عا شىققان جاعدايدا ينفراقۇرىلىمدىق جوبالاردى مەملەكەت مەنشٸگٸنە قالدىرۋعا جول اشادى. ٷشٸنشٸدەن «قازمۇنايگازدىڭ» ٶزٸ مۇناي مەن گازدى ٶندٸرٸپ, ٶڭدەي الاتىنداي بارلاۋ جۇمىسىن كٷشەيتكەنٸ جٶن. شەت ەلدەردٸڭ تەجٸريبەسٸ ەدەتتە كٶلٸك ينفراقۇرىلىمدارىنىڭ جەكە جۇمىس جٷرگٸزٸپ, مەملەكەت مەنشٸگٸندە قالعانى ابزال ەكەنٸن كٶرسەتٸپ وتىر», - دەدٸ ول.
