حالىقتىڭ ەل-اۋقاتىن جاقسارتۋعا كەدەرگٸ كەلتٸرەتٸن نەگٸزگٸ سەبەپتەردٸ جويۋ 4 باعىتتا جٷرگٸزٸلەدٸ. بۇل تۋرالى ٷكٸمەت وتىرىسىندا قر ۇلتتىق ەكونوميكا مينيسترٸ ەلٸبەك قۋانتىروۆ ايتتى, دەپ حابارلايدى قازاقپارات.
ونىڭ اتاپ ٶتۋٸنشە, پرەزيدەنتتٸڭ حالىقتىڭ تابىسىن ارتتىرۋ باعدارلاماسىن ەزٸرلەۋ جٶنٸندەگٸ تاپسىرماسىن ورىنداۋ اياسىندا ەڭبەك نارىعىنا, ٶمٸر سٷرۋ دەڭگەيٸ مەن كەدەيلٸك كٶرسەتكٸشتەرٸنە, حالىقتىڭ كٸرٸستەرٸ مەن شىعىستارىنىڭ قۇرىلىمىنا تالداۋ جٷرگٸزٸلدٸ. تالداۋ نەتيجەلەرٸ بويىنشا حالىقتىڭ ەل-اۋقاتىن جاقسارتۋعا كەدەرگٸ كەلتٸرەتٸن نەگٸزگٸ سەبەپتەر انىقتالدى.
«انىقتالعان مەسەلەلەردٸ جويۋ ماقساتىندا باعدارلاما 4 باعىت بويىنشا مىناداي كەشەندٸ ٸس-شارالاردى ٸسكە اسىرۋعا باعىتتالاتىن بولادى: حالىقتىڭ ەڭبەك قىزمەتٸنەن تٷسەتٸن تابىستارىن ارتتىرۋ; كەسٸپكەرلٸك قىزمەتتەن تٷسەتٸن تابىستاردى ارتتىرۋ; جوعارى ٶنٸمدٸ جۇمىس ورىندارىن قۇرۋ; جۇمىس كٷشٸنٸڭ داعدىلارىن ارتتىرۋ. حالىقتىڭ تابىسىن ارتتىرۋ باعدارلاماسىن ەزٸرلەۋ اياسىندا ەر تٷرلٸ دەلدالدار مەن مونوپولييالىق وپەراتورلاردىڭ كوميسسييالارى مەن تاريفتەرٸن تٶلەۋ بويىنشا حالىقتىڭ قوسىمشا شىعىستارىن قىسقارتۋ جٶنٸندەگٸ شارالار پىسىقتالۋدا. بٷگٸنگٸ كٷنٸ ٷكٸمەت كٸرمە جولداردى ۇسىنۋ قىزمەتتەرٸ بويىنشا تاريفتەردٸ تٶمەندەتۋ باعىتىندا جەدەل شارالار قابىلدادى. وسىلايشا, كٸرمە جولداردىڭ ٸرٸ تەڭگەرٸم ۇستاۋشىسى بولىپ تابىلاتىن «كٶلٸكتٸك سەرۆيس ورتالىعى» اق ٷشٸن تاريفتەر 92 پايىزعا تٶمەندەدٸ», - دەدٸ مينيستر.
سونداي-اق, ەلٸبەك قۋانتىروۆتىڭ ايتۋىنشا, پاۆلودار وبلىسىندا كٸرمە جولداردى ۇسىنۋ قىزمەتتەرٸن كٶرسەتەتٸن «Arman Kala Limited» جشس ٷشٸن تاريفتەر 93 پايىز ازايتىلدى. اتالعان ٸس-شارا «بوگاتىر كٶمٸر» جشس ٶندٸرەتٸن كٶمٸردٸڭ قۇنىنا جٷكتەمەنٸ ازايتۋعا مٷمكٸندٸك بەرەدٸ.
«بۇدان باسقا, وسى جىلدىڭ 1 اقپانىنان باستاپ ەلٸمٸزدٸڭ بٸرقاتار ٶڭٸرلەرٸندە كٸرمە جولداردى ۇسىنۋ قىزمەتتەرٸن جٷزەگە اسىراتىن 21 سۋبەكتٸگە تاريفتەر ورتا ەسەپپەن 80 پايىزعا تٶمەندەدٸ. بۇل ٸس-شارا ەنەرگەتيكالىق كٶمٸر قۇنىنا جەنە ەلەۋمەتتٸك ماڭىزى بار تاۋارلار باعاسىنا تەرٸس ەسەردٸ بولدىرماۋعا مٷمكٸندٸك بەرەدٸ», - دەدٸ ول.
