25 سەۋٸردە «دالا قىراندارى» جاستار قوعامدىق بٸرلەستٸگٸ استانا قالاسىنىڭ دەنە شىنىقتىرۋ جەنە بۇقارالىق سپورت اكادەميياسىنىڭ (APEMS) ستۋدەنتتەرٸمەن كەزدەسٸپ, باتىس قازاقستان وبلىسىندا سۋ تاسقىنىمەن جەنە ولاردىڭ سالدارىمەن كٷرەسۋ ناۋقانىنا ەرٸكتٸ رەتٸندە قاتىسۋعا شاقىردى, دەپ حابارلايدى "ۇلت اقپارات".
جيىنعا كەلگەن ستۋدەنتتەر ٶز سۇراقتارىن قويىپ, ەرٸكتٸ رەتٸندە قالاي تٸركەلۋگە بولاتىنىن, قانداي تالاپتار بارىن جەنە قاۋٸپسٸزدٸك مەسەلەسٸن دە سۇراپ جاتتى. ۇيىمداستىرۋشىلار 18 جاستان باستاپ ەرٸكتٸلەردٸ ٶزدەرٸنە تٸركەي الاتىندارىن جەنە ولاردى ٸرٸكتەۋ ارقىلى قابىلدايتىندارىن باياندادى. تٶتەنشە جاعدايدان زارداپ شەككەن ايماققا بارىپ, قول ۇشىن سوزاتىن جاس ازاماتتى قوعامدىق بٸرلەستٸك ارنايى كيٸممەن, جاتىن ورىن جەنە تاماقپەن قامتاماسىز ەتپەك.
ۇيىمداستىرۋشىلار بٸرلەستٸكتٸڭ مٸندەتٸ مەن ماقساتى تۋرالى ايتىپ, سۋ تاسقىنىنا قارسى كٷرەستە قانداي شارالار اتقارعاندارىن جەتكٸزدٸ.
"بٸزدٸڭ ماقساتىمىز جاستاردى جۇدىرىقتاي جۇمىلدىرىپ, ەل باسىنا كٷن تۋسا بٸرلٸك كٶرسەتە الاتىن, پايدالى ٸس تىندىرا الاتىن بەلسەندٸ ٶسكەلەڭ ۇرپاقتى تەربيەلەۋ. اتا زاڭىمىزدى "وتانىن قورعاۋ - قازاقستاننىڭ ەر ازاماتىنىڭ بورىشى" دەپ جازىلعان عوي. ياعني بٸز ەلٸمٸزدٸڭ پاتريوتتارى كٶپ بولسا دەگەن نيەتتەمٸز. بٸز سپورتتا جٷرگەن جاستار بٸرٸگٸپ, وسىدان بٸر جىل بۇرىن «دالا قىراندارى» اتتى ۇيىم قۇردىق. قازٸرگٸ ۋاقىتتا ۇيىمعا جەتپٸستەن استام جاس ازامات جينالعان. بٸز مٷشەلەرٸمٸزدٸ "قىراندار" دەپ اتايمىز. بٸز وسى ۋاقىتقا دەيٸن ەكٸ-اق رەت مٷشەلٸككە قابىلداۋ جاسادىق, بٸراق ەرٸكتٸلەردٸڭ سانىن ارتتىرىپ, ارى قاراي دا ۇيىمعا مٷشەلٸككە قابىلداۋدى جالعاستىرامىز دەگەن ويدامىن. قىرانداردىڭ سانىن استانا بويىنشا 2000-عا دەيٸن جەتكٸزۋگە تىرىسامىز", -دەيدٸ بٸرلەستٸك ٷيلەستٸرۋشٸسٸ دامير بەكبوسىنوۆ.
«دالا قىراندارى» جاستار قوعامدىق بٸرلەستٸگٸنٸڭ تۋريزم جەنە سپورت مينيسترلٸگٸمەن مەموراندۋمى اياسىندا سۋ باسقان باتىس ايماققا ەلٸمٸزگە تانىمال سپورتشىلار فيرۋزا شاريپوۆا, دانييار ەلەۋسٸنوۆ, ۆاسيليي تاحتاي, ەربول حاميتوۆ, بەيبٸت ىستىباەۆ سيياقتى ازاماتتار ەرٸكتٸ رەتٸندە بارعان. ۇيىمداستىرۋشىلار "بۇل جەرگٸلٸكتٸ تۇرعىنداردى جٸگەرلەندٸردٸ" دەگەندٸ ايتىپ وتىر.
دالا قىراندارىنىڭ ەرٸكتٸلەرٸ ورال قالاسىندا بولدى جەنە زاچاگانسك, جەلاەۆو, №1 جەنە №2 ساياجايلاردىڭ ماڭىنداعى ٷيٸندٸ بٶگەتتەردٸ نىعايتۋعا كٶمەكتەسكەن. بۇل جۇمىستارعا جالپى 300-دەن استام مما, گرەك-ريم جەنە ەركٸن كٷرەس, گرەپپلينگ, فۋتبول, فۋتزال جەنە ت.ب. سپورت تٷرلەرٸنٸڭ سپورتشىلارى ەرٸكتٸ تٷردە جۇمىلدىرىلعان.
سولاردىڭ بٸرٸ قازاق كٷرەسٸنٸڭ پالۋانى نۇرعالي تۇرسىنعازيەۆ ورال قالاسىندا احۋال ٶتە قيىن, قول ۇشىن سوزاتىن ەرٸكتٸلەر ەلٸ دە قاجەت ەكەنٸن ايتىپ وتىر.
"تٶرت كٷندەي جۇمىس ٸستەپ, قولدان دامبالار سالدىق. الايدا, ٶكٸنٸشتٸسٸ ولاردىڭ بارلىعىن سۋ شايىپ كەتتٸ. ەلٸ دە كٶمەك كٷشٸ كەرەك. سۋ تاسقىنىنان كەيٸن دە ول جاقتا اتقاراتىن جۇمىستار بولادى. تازالاۋ جۇمىستارىمەن اينالىسۋ كەرەك. نەگە دەسەڭٸزدەر قانشاما زات اعىپ كەلٸپ جاتىر. كٷن دەمەي, تٷن دەمەي قىزمەت ەتٸپ جاتقان جٸگٸتتەر بار ول جاقتا. جالپى ورال حالقى ٶتە ۇيىمشىل ەكەن. بٸز جۇمىس ٸستەپ جاتقان كەزدە ٶزدەرٸنٸڭ كٶمەكتەرٸن كٶرسەتٸپ, "شارشاپ قالمادىڭدار ما?" دەپ شايلارىن الىپ كەلٸپ جاتىر. جاستارى ٶتە مىقتى ەكەن. بارلىعى ۇيىمشىل. ەر تٷرلٸ باعىتتاعى جۇمىستارعا بٶلٸنٸپ الىپ, جۇمىسىن كٶرسەتٸپ جاتىر. قول قۋسىرىپ وتىرعان ادام جوق. №2 ساياجايدى قازٸر تولىقتاي سۋ الىپ كەتتٸ. ٶزدەرٸڭٸز كٶرٸپ وتىرعان شىعارسىزدار. سۋ ەلٸ دە كٶتەرٸلٸپ, قويعان دامبالارىمىزدى جىرىپ كەتٸپ جاتىر. بۇل تابيعي اپات قوي", -دەگەن نۇرعالي تۇرسىنعازيەۆ سۋ باسقان ايماققا قول ۇشىن سوزۋعا بارعان ەرٸكتٸلەر كٶپ ەكەنٸن, الايدا سونىڭ ٶزٸندە ەلٸ دە كٶمەك قاجەت ەكەنٸن جەتكٸزٸپ وتىر.
ۇيىمداستىرۋشىلاردىڭ سٶزٸنشە, «دالا قىراندارى» جقب بٸر ايدان بەرٸ سۋ تاسقىنىنان زارداپ شەككەن ازاماتتارعا كٶمەكتەسٸپ جاتىر.
