نۇر-سۇلتان قالاسىندا دەستٷرلٸ «Astana Finance Days» كونفەرەنتسيياسى اياسىندا العاش رەت «EdTech» بٸلٸم بەرۋ تەحنولوگييالارى فورۋمى ٶتتٸ.
شاراعا Coursera, EdCrunch, Google, Microsoft, ACCA, GARP سىندى حالىقارالىق كومپانييالاردىڭ ٶكٸلدەرٸ قاتىسىپ, بٸلٸم بەرۋ تەحنولوگييالارىنداعى ٶزەكتٸ مەسەلەلەردٸ تالقىلادى.
فورۋم حالىقارالىق كەسٸبي سەرتيفيكاتتاۋ, يننوۆاتسييالار, تەحنولوگييالار, تسيفرلاندىرۋ, ينكليۋزيۆتٸ تەسٸلدەر, STEM جەنە باسقا دا وزىق جەتٸستٸكتەر ارقىلى ادام كاپيتالىنىڭ ساپاسىن ارتتىرۋعا سەرپٸن بەرۋ ماقساتىندا تٷرلٸ يندۋسترييا ٶكٸلدەرٸن جينادى.
«EdTech» فورۋمى – مٷددەلٸ تۇلعالاردىڭ كەسٸبي دامۋىن يننوۆاتسييالار قۇرۋدا ورتاق ماقساتقا بٸرٸكتٸرٸپ, بٸلٸم بەرۋ تەحنولوگييالارى سالاسىنداعى باستامالاردى دامىتۋعا ارنالعان ينتەگراتسييالىق الاڭ.
«بٸز كومپانييالاردى جيناقتاي باستاعان كەزدە بالاباقشادان باستاپ ەرەسەك بۋىنعا دەيٸن تٷرلٸ سەگمەنتتەردە جۇمىس ٸستەيتٸن كٶپتەگەن كومپانييانى كەزدەستٸردٸك. سوسىن بٸز بيۋرودا كٸمنٸڭ نەمەن اينالىساتىنى جەنە قانداي قىزمەتتەر ۇسىناتىنى تۋرالى ناقتى اقپارات بولۋ ٷشٸن قازاقستاندىق كومپانييالاردىڭ كارتاسىن ەزٸرلەدٸك. ولاردىڭ بەرٸ بٸرلەسە جۇمىس ٸستەپ, ەلٸمٸزدٸ جاقسى جاققا ٶزگەرتۋگە كٶمەكتەسەدٸ دەپ ويلايمىز», - دەيدٸ «AIFC Administration» اق باسقارما تٶراعاسىنىڭ ورىنباسارى ەرنۇر رىسماعامبەتوۆ.
ونىڭ ايتۋىنشا, قازاقستاندا تيٸمدٸ EdTech ەكوجٷيەسٸن قۇرۋ ٷشٸن ٸشكٸ نارىقتاعى جوبالار جەتكٸلٸكسٸز. سوندىقتان استانا حالىقارالىق قارجى ورتالىعى قازٸردٸڭ ٶزٸندە ٸرٸ بيزنەس پەن كومپانييالار اراسىندا ديالوگ ورناتۋ ٷشٸن كٷش الىپ وتىر. بۇل قازاقستانداعى كومپانييالاردىڭ سانىن ارتتىرىپ قانا قويماي, «EdTech» كٶلەمٸندەگٸ لايىقتى دەڭگەيگە كٶتەرەدٸ.
«فورۋم فورماتىن كەڭەيتۋ جٶنٸندە ۇسىنىستار كەلٸپ تٷستٸ. مىسالى, كەلەسٸ جىلى بيزنەس-قاۋىمداستىقپەن ينۆەستيتسييالىق جەنە سەرٸكتەستٸككە باعىتتالاتىن ورتا ازييالىق EdTech فورۋمىن ٶتكٸزۋگە ۇسىنىس الدىق. بٸز بيزنەستە edtech-جوبالار كورپوراتسييالار مەن قاراپايىم ادامداردىڭ ٶمٸرٸن ٶزگەرتە الاتىن بٸرقاتار تابىستى ٸستەردٸ كٶرسەتۋگە تىرىسامىز», - دەپ ٶز جوسپارلارىن بٶلٸستٸ ەرنۇر رىسماعامبەتوۆ.
ايتا كەتەيٸك, كٶرمەدە جاقسى جەتٸستٸكتەرٸمەن كٶزگە تٷسكەن كوماندالار مەسكەۋدەگٸ «EdCrunch» كونفەرەنتسيياسىنا جولداما الادى جەنە دە Astana Hub-تىڭ اكسەلەراتسييا باعدارلاماسىنا قاتىسۋ سەرتيفيكاتى بەرٸلەدٸ.
