شىعىس قازاقستان وبلىسىندا ەسٸرتكٸ تاراتتى دەگەن كٷدٸكپەن 20 جاستاعى ازامات ۇستالدى. ونىڭ سٶمكەسٸ مەن جالدامالى پەتەرٸنەن بٸر كەلٸدەن استام ەسٸرتكٸ جەنە پسيحوتروپتىق زات تەركٸلەندٸ, دەپ حابارلايدى ult.kz.
Polisia.kz مەلٸمەتٸنشە, شقو پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ كٷدٸكتٸنٸ «قاراسورا» جەدەل-پروفيلاكتيكالىق ٸس-شاراسى اياسىندا قولعا تٷسٸرگەن.
پوليتسييا مەلٸمەتٸنشە, جاس جٸگٸت ەلەۋمەتتٸك جەلٸدەن جۇمىس تۋرالى حابارلاندىرۋ تاۋىپ, ۇسىنىسقا كەلٸسكەن. كەيٸن كۋراتوردىڭ نۇسقاۋى بويىنشا ەسٸرتكٸ زاتتارىن وراپ, جاسىرىن ورىندارعا دايىنداۋمەن اينالىسقان. ول تىيىم سالىنعان زاتتاردى ٶلشەپ, وراپ, بەلگٸلەنگەن جەرلەرگە قالدىرىپ وتىرعان. ەڭبەكاقىسىن كريپتوۆاليۋتا تٷرٸندە العان.
ماۋسىم ايىندا كٷدٸكتٸ ٶسكەمەنگە كەلٸپ, قىلمىستىق ەرەكەتٸن جالعاستىرعان.
جەدەل-ٸزدەستٸرۋ شارالارى بارىسىندا پوليتسەيلەر ونىڭ ٸزٸنە تٷسٸپ, سٶمكەسٸن تەكسەرگەن. ونىڭ ٸشٸنەن قوڭىر تٷستٸ زات سالىنعان ەكٸ وراما تابىلعان. كەيٸن جالدامالى پەتەرٸنە جٷرگٸزٸلگەن تٸنتۋ كەزٸندە تاعى بٸرنەشە وراما, زيپ-پاكەتتەر, يزولەنتا جەنە ەلەكتروندى تارازى تەركٸلەندٸ.
ساراپتاما قورىتىندىسىنا سەيكەس, تەركٸلەنگەن زاتتاردىڭ قۇرامىنان جالپى سالماعى 510 گرامنان اساتىن α-PVP مەن مەفەدرون, سونداي-اق 520 گرامنان استام گاشيش انىقتالعان. زاڭسىز اينالىمنان بارلىعى بٸر كەلٸدەن استام ەسٸرتكٸ جەنە پسيحوتروپتىق زات تەركٸلەندٸ.
كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. قىلمىستىق ٸس قوزعالدى.
پوليتسييا ازاماتتاردى ەلەۋمەتتٸك جەلٸدەگٸ «وڭاي تابىس» تۋرالى كٷمەندٸ ۇسىنىستارعا ساق بولۋعا شاقىرادى. مۇنداي حابارلاندىرۋلاردىڭ ارتىندا قىلمىستىق سحەما تۇرۋى مٷمكٸن.
