Shyǵys Qazaqstan oblysynda esirtki taratty degen kúdikpen 20 jastaǵy azamat ustaldy. Onyń sómkesi men jaldamaly páterinen bir keliden astam esirtki jáne psihotroptyq zat tárkilendi, dep habarlaidy ult.kz.
Polisia.kz málimetinshe, ShQO politsiia departamentiniń esirtki qylmysyna qarsy is-qimyl basqarmasynyń qyzmetkerleri kúdiktini «Qarasora» jedel-profilaktikalyq is-sharasy aiasynda qolǵa túsirgen.
Politsiia málimetinshe, jas jigit áleýmettik jeliden jumys týraly habarlandyrý taýyp, usynysqa kelisken. Keiin kýratordyń nusqaýy boiynsha esirtki zattaryn orap, jasyryn oryndarǵa daiyndaýmen ainalysqan. Ol tyiym salynǵan zattardy ólshep, orap, belgilengen jerlerge qaldyryp otyrǵan. Eńbekaqysyn kriptovaliýta túrinde alǵan.
Maýsym aiynda kúdikti Óskemenge kelip, qylmystyq áreketin jalǵastyrǵan.
Jedel-izdestirý sharalary barysynda politseiler onyń izine túsip, sómkesin teksergen. Onyń ishinen qońyr tústi zat salynǵan eki orama tabylǵan. Keiin jaldamaly páterine júrgizilgen tintý kezinde taǵy birneshe orama, zip-paketter, izolenta jáne elektrondy tarazy tárkilendi.
Saraptama qorytyndysyna sáikes, tárkilengen zattardyń quramynan jalpy salmaǵy 510 gramnan asatyn α-PVP men mefedron, sondai-aq 520 gramnan astam gashish anyqtalǵan. Zańsyz ainalymnan barlyǵy bir keliden astam esirtki jáne psihotroptyq zat tárkilendi.
Kúdikti ustalyp, ýaqytsha ustaý izoliatoryna qamaldy. Qylmystyq is qozǵaldy.
Politsiia azamattardy áleýmettik jelidegi «ońai tabys» týraly kúmándi usynystarǵa saq bolýǵa shaqyrady. Mundai habarlandyrýlardyń artynda qylmystyq shema turýy múmkin.
