قىزىلوردا وبلىسىندا تٶتەنشە جاعداي سالدارىنان جۇمىسىن ۋاقىتشا توقتاتقان بٸرقاتار كەسٸپكەرلەر 42500 تەڭگە ەلەۋمەتتٸك تٶلەمگە قول جەتكٸزدٸ, دەپ حابارلايدى قازاقپارات.
ولاردىڭ قاتارىندا قىزىلوردا قالاسىندا مەكتەپتەردە اسحانانى تاماق ٶنٸمدەرٸمەن قامتاماسىز ەتەتٸن كەسٸپكەر روزا قادىلكۇرمانوۆا دا بار. كەسٸپكەر وبلىس ورتالىعىنداعى №43, 136 مەكتەپتەردە اتالعان جۇمىسپەن اينالىساتىن.
«تٶتەننەن كەلگەن قاۋٸپتٸ ٸندەت بارلىق سالاعا كەرٸ ەسەرٸن تيگٸزدٸ. ەلٸمٸزدەگٸ, ٶڭٸردەگٸ كارانتين كەزٸندە بٸزدٸڭ دە تىنىس-تٸرشٸلٸگٸمٸز توقتاپ قالدى. بۇل سەتتە مەملەكەت تاراپىنان تابىسسىز قالعان قازاقستاندىقتارعا قولداۋ كٶرسەتٸلۋٸ زور قامقورلىق دەپ تٷسٸنەمٸن. مەن جەنە ٶزٸممەن بٸرگە جۇمىس جاسايتىن ۇجىم مٷشەلەرٸ دە اتالعان تٶلەمگە قول جەتكٸزدٸ. وسى ورايدا مەملەكەت باسشىسىنا, ٷكٸمەتكە, بارلىق جاناشىر ازاماتتارعا العىس بٸلدٸرەمٸن. ەلٸمٸز بۇل قيىندىقتى تەزٸرەك جەڭٸپ شىعادى دەپ سەنەمٸن», - دەدٸ كەسٸپكەر.
قىزىلوردالىق تاعى بٸر كەسٸپكەر گاۋھار قالىمبەتوۆا دا مەملەكەت تاراپىنان كٶرسەتٸلگەن قامقورلىققا دەن ريزا ەكەنٸن جەتكٸزدٸ. ول ۆيزاجيست كەسٸبٸمەن اينالىساتىن ەدٸ. قازٸر ول جۇمىسى توقتاپ تۇر.
«قيىندىق ەشكٸمگە دە وڭاي سوعىپ جاتقان جوق. تابىسسىز قالعان ازاماتتارعا مەملەكەت تاراپىنان تيٸستٸ قولداۋ جاسالدى. وسى ورايدا حالىققا بەرٸلگەن تٶلەم كٶپ وتباسىنىڭ مۇڭ-مۇقتاجىن شەشۋگە وڭ سەپتٸگٸن تيگٸزدٸ. الداعى جارقىن كٷندەردە ەلٸمٸزدە كٶپتەگەن يگٸلٸكتٸ ٸستەرگە جول اشىلادى دەگەن ٷمٸتتەمٸن. ەلٸمٸز دامىپ, ٶركەندەي بەرسٸن», - دەدٸ ول.
تٶتەنشە جاعدايدا مۇقتاج ازاماتتارعا كٶرسەتٸلەتٸن ەلەۋمەتتٸك قولداۋ نەگٸزٸندە 98 مىڭنان استام ازاماتقا تٶلەم تٷسكەن.
.jpeg)