فوتو: اشىق دەرەككٶز
قارجىلىق مونيتورينگ اگەنتتٸگٸ باس پروكۋراتۋرانىڭ ٷيلەستٸرۋٸمەن جەنە سوت ەكٸمشٸلٸگٸنٸڭ ٸشكٸ قاۋٸپسٸزدٸك بٶلٸمشەلەرٸمەن بٸرلەسٸپ, ەلەۋمەتتٸك وسال توپتارعا ارنالعان تۇرعىن ٷيلەردٸ زاڭسىز يەمدەنۋ دەرەگٸ بويىنشا تەرگەۋ باستادى, دەپ حابارلايدى Ult.kz.
بۇل ساناتقا كٶپبالالى وتباسىلار, جەتٸم بالالار جەنە مٷگەدەكتٸگٸ بار ازاماتتارعا ارنالعان پەتەرلەر كٸرەدٸ.
ۆەدومستۆو مەلٸمەتٸنشە, 2014–2016 جىلدارى «تٶلەندٸ» تۇرعىن ٷي-قۇرىلىس كووپەراتيۆٸن باسقارعان ا. بايجۇمانوۆ پايشىلاردىڭ قاراجاتىن جىمقىرۋدىڭ ٸرٸ سحەماسىن ۇيىمداستىرعانى ٷشٸن 8 جىلعا باس بوستاندىعىنان ايىرىلعان. كەيٸن اتالعان كووپەراتيۆكە قاتىستى كەيبٸر پەتەرلەردٸڭ قۇرىلىسى استانا قالاسى ەكٸمدٸگٸ تاراپىنان ەلەۋمەتتٸك وسال ساناتتاعى ازاماتتارعا ارنالىپ اياقتالعان.
الايدا باس بوستاندىعىنان ايىرۋ ورىندارىنان بوساپ شىققاننان كەيٸن بايجۇمانوۆ جاڭا زاڭسىز سحەما ويلاستىرعان. تەرگەۋ دەرەگٸنشە, ول «ٶتكەن كٷنمەن رەسٸمدەلگەن» جالعان قۇجاتتاردى پايدالانا وتىرىپ, پەتەرلەردٸ زاڭسىز يەمدەنۋدٸ كٶزدەگەن.
نەتيجەسٸندە 80-نەن استام ادام «جالعان ٷلەسكەر» رەتٸندە جەبٸرلەنۋشٸ دەپ تانىلىپ, ۋەكٸلەتتٸ ۇيىمنان 170 جىلجىمايتىن مٷلٸك نىسانىنا زاڭسىز قۇقىق العان. كٷدٸكتٸلەر بۇل پەتەرلەردٸ ٶتەۋسٸز يەمدەنٸپ, كەيٸن ٷشٸنشٸ تۇلعالارعا ساتۋدى جوسپارلاعان.
وسىلايشا جالپى قۇنى 2,3 ميلليارد تەڭگەدەن اساتىن جىلجىمايتىن مٷلٸكتٸ زاڭسىز يەمدەنۋ ەرەكەتٸنٸڭ جولى كەسٸلدٸ. قازٸرگٸ تاڭدا كٷدٸكتٸلەرگە قاتىستى قاماۋدا ۇستاۋ تٷرٸندەگٸ بۇلتارتپاۋ شاراسى قولدانىلعان. تەرگەۋ امالدارى جالعاسىپ جاتىر.
