ەلٸمٸزدە ٶڭٸر ەكٸمدٸكتەرٸمەن ەلەۋمەتتٸك نان باعاسىن 90 تەڭگەدەن اسىرماۋ جٶنٸندە مەموراندۋم جاسالىپ جاتىر. بۇل تۋرالى قر اۋىل شارۋاشىلىعى مينيسترلٸگٸ اگرارلىق ازىق-تٷلٸك نارىقتارى جەنە اۋىل شارۋاشىلىعى ٶنٸمٸن قايتا ٶڭدەۋ دەپارتامەنتٸنٸڭ ديرەكتورى نازگٷل حاتەپوۆا مەلٸم ەتتٸ, دەپ حابارلايدى قازاقپارات.
«ٶزدەرٸڭٸز بٸلەتٸندەي, ناننىڭ بٸرنەشە تٷرٸ بار. سونىڭ ٸشٸندە مينيسترلٸك ەلەۋمەتتٸك نان باعاسىن عانا باقىلاي الادى. قازٸر ازىق-تٷلٸك كورپوراتسيياسىندا بار بيدايمەن ٸشكٸ نارىقتى قامتۋ شاراسى جٷرٸپ جاتىر. بٷگٸندە بيداي تونناسىنىڭ ورتاشا باعاسى - 150-160 مىڭ تەڭگە, ال كورپوراتسييا باعانى تٷسٸرٸپ, تونناسىن 90 مىڭ تەڭگەگە ساتىپ جاتىر. وسىلايشا, ٶڭٸرلەرگە ارزان باعامەن 36 مىڭ توننا بيدايدى جەتكٸزۋ جۇمىسى باستالىپ كەتتٸ. ٶڭٸر ەكٸمدٸكتەرٸنەن بٸزگە كەلٸپ تٷسكەن ٶتٸنٸشتەرگە سەيكەس, قاڭتاردان قىركٷيەككە دەيٸنگٸ ارزان بيدايعا دەگەن سۇرانىس - 275 مىڭ توننا», - دەدٸ نازگٷل حاتەپوۆا ورتالىق كوممۋنيكاتسييالار قىزمەتٸ الاڭىندا بولعان باسپاسٶز مەسليحاتىندا.
اۋىل شارۋاشىلىعى مينيسترلٸگٸ ٶكٸلٸنٸڭ ايتۋىنشا, نان باعاسىن بەلگٸلەنگەن مەجەدە ۇستاپ تۇرۋ جەرگٸلٸكتٸ اتقارۋشى ورگاندارعا جٷكتەلەدٸ.
«ٶڭٸر ەكٸمدٸكتەرٸ ازىق-تٷلٸك تٷلٸك كورپوراتسيياسىنان بيدايدى ارزان باعامەن الىپ, جەرگٸلٸكتٸ ۇن ٶندٸرەتٸن مەكەمەلەرمەن كەلٸسٸم جاساسادى. اتالعان كەلٸسٸمنٸڭ نەگٸزٸندە ەلەۋمەتتٸك ناننىڭ باعاسى 90 تەڭگەدەن اسپاۋى تيٸس. وسى ورايدا, قازٸر وبلىس ەكٸمدٸكتەرٸمەن مەموراندۋم جاسالىپ جاتىر, ياعني بٸز بيدايمەن قامتاماسىز ەتسەك, جەرگٸلٸكتٸ اتقارۋشى ورگاندار نان باعاسىنىڭ تۇراقتىلىعىن قامتاماسىز ەتۋگە جاۋاپتى بولادى», - دەيدٸ ول.
