ەلەمنٸڭ 20 ەلٸ ازىق-تٷلٸككە اسا مۇقتاج. ەگەر تيٸستٸ كٶمەك كٶرسەتٸلمەسە, بۇل ەلدەردە اشتىق باستالۋى مٷمكٸن. مۇنداي ەسكەرتۋدٸ بۇۇ-نىڭ ازىق-تٷلٸك مەسەلەلەرٸمەن اينالىساتىن ەكٸ مەكەمەسٸ جاسادى, دەپ حابارلايدى "ۇلت اقپارات" بۇۇ جاڭالىقتار ورتالىعىنا سٸلتەمە جاساپ.
يەمەن, وڭتٷستٸك سۋدان جەنە نيگەرييا سولتٷستٸگٸنٸڭ تۇرعىندارى ٷشٸن اشتىق باستالدى دەلٸنگەن بٸرٸككەن ۇلتتار ۇيىمىنىڭ دٷنيەجٷزٸلٸك ازىق-تٷلٸك باعدارلاماسى جەنە ازىق-تٷلٸك جەنە اۋىلشارۋاشىلىق ۇيىمىنىڭ دايىنداعان بايانداماسىندا.
اشتىق قاۋپٸنە تاپ بولعان ەلدەردٸڭ كٶبٸنٸڭ افريكادا ورنالاسقانىمەن, بۇل پروبلەما باسقا ٶڭٸرلەرگە دە قاتىستى بولىپ وتىر: ازيياداعى اۋعانستان, تاياۋ شىعىستاعى سيرييا مەن ليۆان, لاتىن امەريكاسىنداعى گايتي – وسى جەنە باسقا مەملەكەتتەرگە حالىقارالىق قاۋىمداستىقتىڭ كٶمەگٸ اسا قاجەت.
ماماندار 34 ملن ادام «ٶلٸمگە بٸر قادام جەردە» تۇرعانىن ايتۋدا.
«ٶمٸرلەردٸ ساقتاپ قالىپ, تۇرعىنداردىڭ تابىس كٶزدەرٸن ساقتاپ قالۋ جەنە جاعدايدىڭ ودان ەرٸ ناشارلاۋىنا جول بەرمەۋ ٷشٸن شارالار قولدانۋ – بٸزدٸڭ ورتاق پارىزىمىز», - دەپ اتاپ ٶتتٸ بۇۇ ازىق-تٷلٸك جەنە اۋىلشارۋاشىلىق ۇيىمىنىڭ باس ديرەكتورى تسيۋي دۋنيۋي.
ونىڭ ايتۋىنشا, اشتىقتى الدىن الۋ ٷشٸن شۇعىل حالىقتىڭ وسال توپتارىنا گۋمانيتارلىق كٶمەك كٶرسەتٸپ, قاجەت دەپ بولجانعان 5,5 ملرد دوللاردى جيناۋ قاجەت.
