فرانتسييا جۇمىس ورنىندا ماسكا تاعۋدى مٸندەتتەۋدە, وڭتٷستٸك كورەيا بۇقارالىق شارالارعا قايتا تىيىم سالۋدا, اۆسترالييادا كرۋيزدٸك لاينەر اينالاسىندا داۋ تۋىنداپ كەلەدٸ, لاتىن امەريكادا حالىق كارانتين تالاپتارىن ساقتاماي وتىر, – دەپ جازادى كوروناۆيرۋسقا قاتىستى ەلەمدەگٸ احۋال جٶنٸندە ۆۆس اگەنتتٸگٸ.
تەدروس گەبرەيەسۋس: بٸرگە عانا جەڭە الامىز
COVID-19-عا قارسى ۆاكتسينا ەزٸرلەۋدە بٸرنەشە ەل نەتيجەلٸ جۇمىس كٶرسەتۋٸنە وراي دٷنيەجٷزٸلٸك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس ددۇ-عا مٷشە بارلىق مەملەكەتتٸڭ ٷكٸمەتٸنە حات جولداپ, كەلەشەكتە پايدا بولاتىن بۇل ۆاكتسينالارمەن ٶز حالقىن عانا ەمەس, وعان مۇقتاجداردىڭ بارلىعىن قامتاماسىز ەتۋگە ٷندەدٸ.
«بٸزگە «ۆاكتسينالىق ۇلتشىلدىقتى» دوعارۋ قاجەت. جاھاندىق ستراتەگييا ەربٸر مەملەكەتتٸڭ ۇلتتىق مٷددەسٸنە بٸر مەزگٸلدە جاۋاپ بەرەدٸ. بارلىعى قاۋٸپسٸز بولمايىنشا, ەشكٸم ٶزٸن قاۋٸپسٸز سەزٸنە المايدى», - دەلٸنگەن قۇجاتتا.
فرانتسييا جۇمىس ورنىندا ماسكا تاعۋدى مٸندەتتەۋدە
1 قىركٷيەكتەن باستاپ فرانتسييادا بٸر ادامنان ارتىق وتىراتىن بارلىق جابىق مەكەمەلەردە ماسكانى تاعىپ جٷرۋ تالابى ەنگٸزٸلدٸ. ەڭبەك مينيسترٸ ەليزابەت بورننىڭ ايتۋىنشا, ەل ٷكٸمەتٸ مۇنداي شەشٸمگە كەسٸپوداقتارمەن كەڭەسكەننەن كەيٸن كەلگەن.
وڭتٷستٸك كورەيا بۇقارالىق شارالارعا قايتا شەكتەۋ ەنگٸزۋدە
سەۋلدە جەنە وعان جاقىن ورنالاسقان ينچحون ٸرٸ پورتىندا جابىق مەكەمەلەردە 50 ادامنان كٶپ كەز كەلگەن شارانى ٶتكٸزۋگە تاعى تىيىم سالىندى, بارلار مەن كاراوكە-كلۋبتار جابىلىپ جاتىر. كوروناۆيرۋستى جەڭدٸ دەپ ەسەپتەلگەن بۇل ەلدە سىرقاتتاردىڭ سانى بەسٸنشٸ كٷن قاتارىنان ەسەلەپ ارتىپ كەلەدٸ. سەيسەنبٸ كٷنٸ 246 ادام تٸركەلدٸ. كەي جەرلەردە ينفەكتسييانىڭ تارالۋىنا دٸني جينالىستار دا سەبەپ بولدى.
اۆسترالييادا كرۋيزدٸك لاينەر اينالاسىندا داۋ-داماي تۋىنداپ كەلەدٸ
بورتىندا COVID-19-عا شالدىققان ناۋقاس بولعان «رۋبي پرينتسەسس» كرۋيزدٸك لاينەرٸنٸڭ 2650-گە جۋىق جولاۋشىسىنا 19 ناۋرىز كٷنٸ سيدنەيدە جاعالاۋعا تٷسۋگە جەنە ٷيلەرٸنە ورالۋعا رۇقسات بەرٸلگەن بولاتىن. الايدا, جولاۋشىلاردىڭ ەشقايسىسىنا كوروناۆيرۋسقا تەست جاسالماعان. كەيٸننەن ولاردىڭ 1 مىڭعا جۋىعى ينفەكتسييامەن اۋىرىپ, 28-ٸ قايتىس بولدى. سەناتتىق تەكسەرٸس انىقتاعانداي, بۇل جاڭا وڭتٷستٸك ۋەلس شتاتىنىڭ اۋىل شارۋاشىلىعى, سۋ رەسۋرستارى جەنە قورشاعان ورتا دەپارتامەنتٸ, دەنساۋلىق ساقتاۋ باسقارماسى جەنە شەكارا قىزمەتٸ شەنەۋنٸكتەرٸنٸڭ قاتەلٸگٸ جەنە كەلٸسٸلمەگەن ٸس-قيمىلىنىڭ سالدارى بولدى.
بريتانييا دەپرەسسيياعا تٷستٸ
ۇلتتىق ستاتيستيكا بيۋروسى 500 مىڭ ادامنىڭ اراسىندا ٶتكٸزگەن ساۋالناما مەلٸمەتٸنە سەيكەس, پاندەمييا كەزٸندە دەپرەسسييا بەلگٸسٸ پايدا بولعان بريتاندىقتاردىڭ سانى ەكٸ ەسە ارتىپ, 20 پايىزعا جۋىقتاعان. ادامدار ۇيقى مەن تەبەتتٸڭ بۇزىلۋىنا, ٶمٸرگە قىزىعۋشىلىقتىڭ جوعالعانىنا جەنە ەنجارلىققا شاعىمدانعان. سۇراقتارعا جاۋاپ بەرگەندەردٸڭ تەك 3,5 پايىزى عانا سوڭعى ايلاردا كٶڭٸل-كٷيلەرٸ جوعارىلاعانىن اتاپ ٶتكەن. پاندەمييا ەسٸرەسە, جاسى 40-تان تٶمەن ادامدارعا, ەيەلدەرگە, كەدەيلەر مەن سىرقاتتارعا اۋىر ەسەر ەتۋدە. نوتتينگەم ۋنيۆەرسيتەتٸنٸڭ پسيحياترييا پروفەسسورى چارلي بەيكەردٸڭ سٶزٸنشە, حالىقتىڭ كٶڭٸل-كٷيٸن مەديتسينالىق دياگنوز رەتٸندە ەمەس, اينالاداعى جاعدايعا قالىپتى ەسەر دەپ باعالاۋعا بولادى.
لاتىن امەريكا تۇرعىندارى كارانتين تالاپتارىن ساقتاۋعا قۇلىقسىز
بۋەنوس-ايرەس جەنە ارگەنتينانىڭ ٶزگە قالالارىنىڭ مىڭداعان تۇرعىنى ەلەۋمەتتٸك قاشىقتىققا قاتىستى ٶز كٶزقاراسىن تانىتۋ ماقساتىندا دٷيسەنبٸ كٷنٸ شەرۋگە شىقتى. ارگەنتينا استاناسىندا شەكتەۋلەر 20 ناۋرىزدا ەنگٸزٸلگەن جەنە مينيمۋم 30 تامىزعا دەيٸن كٷشٸندە بولادى. ارگەنتينادا كوروناۆيرۋسقا شالدىققاندار سانى 300 مىڭعا جۋىقتادى. ولاردىڭ 90 پايىزى ەل استاناسىندا انىقتالعان. «بٷگٸنگٸ كٷنٸ ەڭ جالعىز دەرۋ – قوزعالىستى بارىنشا شەكتەۋ جەنە ادامداردىڭ قارىم-قاتىناستى توقتاتۋى», - دەدٸ پرەزيدەنت البەرتو فەرناندەس. دەگەنمەن, كٶرشٸ برازيلييادا كوروناۆيرۋسقا شالدىققاندار سانى 12 ەسەگە كٶپ جەنە 100 مىڭنان استام ادام قايتىس بولدى. ا.فەرناندەستٸڭ ەرٸپتەسٸ جاير بولسانارۋ كوروناۆيرۋسقا «قاراپايى تۇماۋ» رەتٸندە قارايتىنىن ايتىپ كەلەدٸ. برازيلييا ۆيتسە-پرەزيدەنتٸ اميلتون موۋران ۆۆس-گە بەرگەن سۇحباتىندا ەلدە شەكتەۋ شارالارىن ەنگٸزۋ نەتيجە بەرمەيتٸنٸن اتاپ ٶتتٸ. سەبەبٸ «برازيلييالىقتار تەرتٸپ ۇستاناتىنداردىڭ قاتارىنا جاتپايدى».
ٶزگە ەلدەردە...
فۋتبولدان فرانتسييا چەمپيوناتىنىڭ «وليمپيك» جەنە «سەنت-ەتەن» اراسىنداعى العاشقى ماتچى 21 تامىزدان 16 جەنە 17 قىركٷيەككە اۋىستىرىلدى. سەبەبٸ مارسەلدٸك كلۋبتىڭ 4 ويىنشىسىنان كوروناۆيرۋس انىقتالعان.
يسپانييادا COVID-19-دىڭ قايتا ٶرشۋٸ تۋريزم سالاسىن جانداندىرۋعا كەدەرگٸ بولماق. دٷيسەنبٸ كٷنٸ بۇل ەلدە ٸندەتتٸڭ 1833 جاڭا جاعدايى تٸركەلدٸ. بۇل, بٸر اي بۇرىنعى كٶرسەتكٸشتەن 3 ەسەدەن استامعا كٶپ. كارانتيندٸك شەكتەۋلەر الىنىپ تاستالعان 1 شٸلدەدەن باستاپ ەڭ كٶپ تٸركەلگەن ناۋقاستار سانى جۇما كٷنٸ بولدى – 2987.
گرەتسييا جەلتوقسان ايىندا ەۋروپالىق وداق بٶلگەن كۆوتا بويىنشا كوروناۆيرۋسقا قارسى 3 ملن دوزا ۆاكتسينا الادى. وكسفورد ۋنيۆەرسيتەتٸ جەنە AstraZeneca فارماتسەۆتيكالىق كومپانيياسى ەزٸرلەگەن ۆاكتسينانى سىناقتان ٶتكٸزۋ قاراشا ايىندا اياقتالۋى تيٸس.
ال فينلياندييا پرەمەر-مينيسترٸ ساننا مارين جەڭٸل رەسپيراتورلىق سيمپتومدارعا بايلانىستى ٶزٸن-ٶزٸ وقشاۋلاپ, كوروناۆيرۋسقا تەست تاپسىردى. بۇل, ونىڭ سوڭعى ۋاقىتتا تاپسىرعان تٶرتٸنشٸ تەستٸ.
