دٷنيەجٷزٸلٸك دەنساۋلىق ساقتاۋ ۇيىمىنىڭ قازان ايىنداعى ەسەبٸنە سەيكەس, ەلەمدە كەم دەگەندە 115 مىڭ مەديتسينا قىزمەتكەرٸ كوروناۆيرۋستان قايتىس بولعان, دەپ حابارلايدى قازاقپارات تٸلشٸسٸ.
«2020 جىلدىڭ قاڭتارىنان 2021 جىلدىڭ مامىرىنا دەيٸنگٸ ارالىقتا 80-نەن 180 مىڭعا دەيٸن دەرٸگەر CوVID-19 ينفەكتسيياسىنان قايتىس بولۋى مٷمكٸن. دەمەك, قازٸرگٸ ۋاقىتتا ورتاشا ەسەپپەن بۇل كٶرسەتكٸش 115 500-نان اسادى», - دەلٸنگەن ۇيىم سايتىندا جارييالانعان مەلٸمەتتە.
رەسەيدە مەديتسينا قىزمەتكەرلەرٸنٸڭ كوروناۆيرۋستان بولعان ٶلٸمٸ تۋرالى اشىق رەسمي ستاتيستيكا جوق. سوڭعى رەت ٶتكەن جىلدىڭ قىركٷيەگٸندە رەسەي فەدەراتسيياسىنىڭ دەنساۋلىق ساقتاۋ مينيسترلٸگٸ ۆيرۋس جۇقتىرعان 258 دەرٸگەردٸڭ قايتىس بولعانىن حابارلاعان ەدٸ.
وسى رەتتە, حالىقتىڭ قايتىس بولعان اق حالاتتىلار تۋرالى دەرەكتەردٸ دەربەس ەنگٸزۋٸنە مٷمكٸندٸك بەرەتٸن بٸرقاتار تەۋەلسٸز ينتەرنەت-جوبالار بار. سونىڭ بٸرٸ – «ەستە قالار تٸزٸمدە» بٷگٸندە 1459 ادامنىڭ اتى-جٶنٸ جازىلعان.
بيىلعى 17 قىركٷيەكتە مەسكەۋدەگٸ سەچەنوۆ ۋنيۆەرسيتەتٸنٸڭ اۋماعىنداعى ٶمٸر اللەياسىندا ٸندەتكە قارسى كٷرەسكەن مەديتسينا قىزمەتكەرلەرٸنٸڭ ەرلٸگٸنە ارنالعان مونۋمەنتتٸڭ اشىلۋى كٶز جۇمعان قاھارمانداردى ەسكە الۋعا ارنالعان سيمۆولدىق شارالاردىڭ بٸرٸ بولدى.
