Dúniejúzilik densaýlyq saqtaý uiymynyń qazan aiyndaǵy esebine sáikes, álemde kem degende 115 myń meditsina qyzmetkeri koronavirýstan qaitys bolǵan, dep habarlaidy QazAqparat tilshisi.
«2020 jyldyń qańtarynan 2021 jyldyń mamyryna deiingi aralyqta 80-nen 180 myńǵa deiin dáriger COVID-19 infektsiiasynan qaitys bolýy múmkin. Demek, qazirgi ýaqytta ortasha eseppen bul kórsetkish 115 500-nan asady», - delingen uiym saitynda jariialanǵan málimette.
Reseide meditsina qyzmetkerleriniń koronavirýstan bolǵan ólimi týraly ashyq resmi statistika joq. Sońǵy ret ótken jyldyń qyrkúieginde Resei Federatsiiasynyń Densaýlyq saqtaý ministrligi virýs juqtyrǵan 258 dárigerdiń qaitys bolǵanyn habarlaǵan edi.
Osy rette, halyqtyń qaitys bolǵan aq halattylar týraly derekterdi derbes engizýine múmkindik beretin birqatar táýelsiz internet-jobalar bar. Sonyń biri – «Este qalar tizimde» búginde 1459 adamnyń aty-jóni jazylǵan.
Biylǵy 17 qyrkúiekte Máskeýdegi Sechenov ýniversitetiniń aýmaǵyndaǵy Ómir alleiasynda indetke qarsy kúresken meditsina qyzmetkerleriniń erligine arnalǵan monýmenttiń ashylýy kóz jumǵan qaharmandardy eske alýǵa arnalǵan simvoldyq sharalardyń biri boldy.
