ەلەمدە كوروناۆيرۋستان قايتىس بولعاندار جٷز مىڭنان استى. دجون حوپكينس ۋنيۆەرسيتەتٸنٸڭ دەرەگٸنشە, 11 سەۋٸردە ۆيرۋس جۇقتىرعاندار 1,7 ميلليون ادامعا جەتكەن. 102 مىڭنان استام ادام قايتىس بولعان.
يسپانييا, فرانتسييا, يتالييا, ۇلىبريتانييادا كٷن سايىن جٷزدەگەن ادام ٶلٸپ جاتىر. ەۋروپادا 64 مىڭنان استام ادام ۆيرۋستان كٶز جۇمعان.
اقش-تا شامامەن 18 700 ادام ۆيرۋستان قايتىس بولدى. مۇندا 500 مىڭنان استام ادامنان ۆيرۋس تابىلعان. بۇل ەلەم بويىنشا ەڭ جوعارى كٶرسەتكٸش.
10 سەۋٸردە اقش پرەزيدەنتٸ دونالد ترامپ 100 مىڭ ادام قايتىس بولۋى مٷمكٸن دەگەن دەرٸگەرلەر بولجامىمەن كەلٸسپەيتٸنٸن ايتتى. قازٸر اقش-تىڭ نيۋ-يورك شتاتى ۆيرۋستان قاتتى زارداپ شەگٸپ جاتىر.
ترامپ جۇما, 10 سەۋٸر كٷنگٸ بريفينگ كەزٸندە "ۆيرۋسپەن كٷرەسۋدٸڭ اگرەسسيۆتٸ ستراتەگيياسى نەتيجەسٸن كٶرسەتتٸ" - ۆيرۋس جۇقتىرعاندار العاش رەت ازايا باستادى دەپ مەلٸمدەدٸ. ول سونىمەن بٸرگە 14 سەۋٸردە اقش ەكونوميكاسىن قالپىنا كەلتٸرۋ بويىنشا شۇعىل توپ قۇرىلاتىنىن ايتتى.
ەۋروپا مەن ٶزگە مەملەكەتتەر كوروناۆيرۋستىڭ ەكونوميكاعا ىقپالىن ازايتۋ ٷشٸن شەكتەۋ شارالارىن جۇمسارتۋ تۋرالى ايتا باستادى. مىسالى, يسپانييا كەلەسٸ اپتادان باستاپ كەيبٸر كەسٸپورىنداردىڭ جۇمىسىن قالپىنا كەلتٸرۋدٸ جوسپارلاپ وتىر.
الايدا دەنساۋلىق ساقتاۋ سالاسى ساراپشىلارى شەكتەۋ شارالارى جۇمسارسا, ۆيرۋس جۇقتىرعاندار سانى كٷرت كٶبەيۋٸ مٷمكٸن دەپ الاڭدايدى.
ساراپشىلار كوروناۆيرۋستى انىقتايتىن تەست جەتٸسپەگەندٸكتەن جەنە كەيبٸر ٷكٸمەتتەر اقپاراتتى جاسىرعاندىقتان ۆيرۋس جۇقتىرعاندار رەسمي دەرەكتەن ەلدەقايدا كٶپ بولۋى مٷمكٸن دەپ سانايدى.
