ەلەمدە كوروناۆيرۋستان قايتىس بولعاندار سانى 5 ميلليون ادامعا جەتتٸ, دەپ حابارلايدى قازاقپارات ۆۆس اگەنتتٸگٸنە سٸلتەمە جاساپ.
دجونس حوپكينس ۋنيۆەرسيتەتٸنٸڭ مەلٸمەتٸنشە, دٷيسەنبٸ تاڭىنداعى جاعدايعا سەيكەس, ەلەمدە كوروناۆيرۋستان قايتىس بولعان ادامدار سانى 5 ميلليون ادامنان اسىپ جىعىلعان. تٸركەلگەن ٶلٸم جاعدايلارىنىڭ جارتىسىنا جۋىعى تابىسى ورتاشادان جوعارى نەمەسە جوعارى, عالامشار تۇرعىندارىنىڭ سەگٸزدەن بٸر بٶلٸگٸ تۇرىپ جاتقان ەلدەر ٷلەسٸندە (اقش, ەو ەلدەرٸ, برازيلييا). اقش-تىڭ بٸر ٶزٸندە قاۋٸپتٸ ۆيرۋستان 740 مىڭنان استام ادام قايتىس بولعان.
ساراپشىلار كوروناۆيرۋس 1950 جىلدان بەرٸ بولىپ جاتقان بارلىق ەلەمدٸك جانجالدارمەن بٸردەي ادام ٶمٸرٸن قيىپ ەكەتتٸ, ادام ٶلٸمٸنٸڭ جٷرەك-قانتامىر اۋرۋلارى مەن ينسۋلتتان كەيٸنگٸ ٷشٸنشٸ باستى سەبەبٸنە اينالدى دەپ سانايدى.
بۇل رەتتە عالىمدار 5 ملن – ناقتى ساننان ەلدەقايدا تٶمەن ەكەنٸنە سەنٸمدٸ, سەبەبٸ ٸندەتتەن قايتىس بولعانداردىڭ بارلىعى بٸردەي كوروناۆيرۋسقا تەست تاپسىرعان جوق. ال مەديتسينالىق كٶمەكسٸز ٷيٸندە كٶز جۇمعاندار سول كٷيٸندە تٸركەلمەي قالعان.
پاندەمييا باستالعالى 22 ايدىڭ ٸشٸندە اۋرۋعا شالدىعۋ وشاقتارى دا اۋىسىپ وتىرعان. قازٸرگٸ كەزدە ۆيرۋس ەسٸرەسە, ۆاكتسينالاۋعا قارسى تەرٸس اقپارات تاراپ, حالقى بيلٸك كٶزدەرٸنە سەنٸمسٸزدٸك تانىتقان رەسەي, ۋكراينا جەنە شىعىس ەۋروپانىڭ باسقا ەلدەرٸندە تەز تارالىپ جاتىر.
