دجون حوپكينس ۋنيۆەرسيتەتٸ (Johns Hopkins University) تاراتقان سوڭعى مەلٸمەت بويىنشا, ەلەمدە 2 563 384 ادامنان كوروناۆيرۋس ٸندەتٸ انىقتالدى. ەلەمدە COVID-19 ۆيرۋسىنان 177 424 ادام قايتىس بولدى, دەپ حابارلايدى دجون حوپكينس ۋنيۆەرسيتەتٸنٸڭ رەسمي سايتى.
ەلەمدە اۋىر دەرتتەن 681 477 ادام ساۋىققان. ەسٸرەسە اقش, يتالييا, يسپانييا جەنە تاعى بٸرقاتار ەۋروپا ەلدەرٸندە كوروناۆيرۋسقا قاتىستى جاعداي كٷردەلٸ. ٸندەت جۇقتىرۋدىڭ ەڭ كٶپ وقيعاسى اقش-تا تٸركەلگەن. وندا 824 438 ادامنان ۆيرۋس انىقتالدى, 75 289 ادام دەرتتەن جازىلدى.
پاندەمييا باستالعاننان بەرٸ ەلدە 45 042-دەن استام ادام كٶز جۇمعان, بۇل رەتتە ۆيرۋستان ەڭ كٶپ ادام نيۋ-يورك قالاسىندا قايتىس بولعان. ەلدە كۆي تەكسەرۋ ٷشٸن 4 155 178 تەست جاسالدى. ادام ٶلٸمٸ سانى بويىنشا ەكٸنشٸ ورىندا – يتالييا (24 648 ادام). ەلدە ٸندەت جۇقتىرعانداردىڭ جالپى سانى - 183 957 ادام.
يسپانييا ەلٸ ەلەمدە كوروناۆيرۋس جۇقتىرۋ وقيعالارىنىڭ سانى بويىنشا ەكٸنشٸ ورىندا. وندا اۋرۋ جۇقتىرۋدىڭ 204 178 وقيعاسى راستالدى, 21 282 ادام قايتىس بولدى. 21 282 ادام جازىلىپ شىققان. فرانتسييادا 159 299 ادام اۋرۋعا شالدىققان. 20 829-ى قايتىس بولدى. گەرمانييادا COVID-19 جۇقتىرۋدىڭ 148 453 وقيعاسى تٸركەلٸپ, 5 086 ادام كٶز جۇمعان. بريتانييادا پاندەمييا باستالعاننان بەرٸ ٸندەت جۇقتىرۋدىڭ 130 175 وقيعاسى تٸركەلدٸ, 17 378 ادام كٶز جۇمدى, 640 ادام جازىلدى.
بۇرىن حابارلانعانداي, ۆيرۋس ەلەمگە تارالىپ, 11 ناۋرىزدا ددسۇ COVID-19 كوروناۆيرۋسىن پاندەمييا اتاعان. سوڭعى مەلٸمەتتەر بويىنشا, قازاقستاندا كوروناۆيرۋس جۇقتىرۋدىڭ 2025 وقيعاسى تٸركەلدٸ.
