Djon Hopkins ýniversiteti (Johns Hopkins University) taratqan sońǵy málimet boiynsha, álemde 2 563 384 adamnan koronavirýs indeti anyqtaldy. Álemde COVID-19 virýsynan 177 424 adam qaitys boldy, dep habarlaidy Djon Hopkins ýniversitetiniń resmi saity.
Álemde aýyr dertten 681 477 adam saýyqqan. Ásirese AQSh, Italiia, Ispaniia jáne taǵy birqatar Eýropa elderinde koronavirýsqa qatysty jaǵdai kúrdeli. Indet juqtyrýdyń eń kóp oqiǵasy AQSh-ta tirkelgen. Onda 824 438 adamnan virýs anyqtaldy, 75 289 adam dertten jazyldy.
Pandemiia bastalǵannan beri elde 45 042-den astam adam kóz jumǵan, bul rette virýstan eń kóp adam Niý-Iork qalasynda qaitys bolǵan. Elde KVI tekserý úshin 4 155 178 test jasaldy. Adam ólimi sany boiynsha ekinshi orynda – Italiia (24 648 adam). Elde indet juqtyrǵandardyń jalpy sany - 183 957 adam.
Ispaniia eli álemde koronavirýs juqtyrý oqiǵalarynyń sany boiynsha ekinshi orynda. Onda aýrý juqtyrýdyń 204 178 oqiǵasy rastaldy, 21 282 adam qaitys boldy. 21 282 adam jazylyp shyqqan. Frantsiiada 159 299 adam aýrýǵa shaldyqqan. 20 829-y qaitys boldy. Germaniiada COVID-19 juqtyrýdyń 148 453 oqiǵasy tirkelip, 5 086 adam kóz jumǵan. Britaniiada pandemiia bastalǵannan beri indet juqtyrýdyń 130 175 oqiǵasy tirkeldi, 17 378 adam kóz jumdy, 640 adam jazyldy.
Buryn habarlanǵandai, virýs álemge taralyp, 11 naýryzda DDSU COVID-19 koronavirýsyn pandemiia ataǵan. Sońǵy málimetter boiynsha, Qazaqstanda koronavirýs juqtyrýdyń 2025 oqiǵasy tirkeldi.
