اقش پرەزيدەنتٸ دجو بايدەن 25 ناۋرىزدا اق ٷيدە قىزمەتٸنە كٸرٸسكەلٸ بەرٸ العاش رەت باسپاسٶز كونفەرەنتسيياسىن ٶتكٸزدٸ.
"ناستوياششەە ۆرەميا" ارناسى وقيعادان تٸكەلەي ەفيردە حابار تاراتتى.
كوروناۆيرۋس ٸندەتٸنە بايلانىستى زالدا جۋرناليستەر ەدەتتەگٸدەن ازىراق بولدى.
پرەزيدەنت سٶزٸن ٸندەتپەن كٷرەس مەسەلەسٸنەن باستادى. بايدەننٸڭ سٶزٸنە قاراعاندا, ٶزٸنٸڭ پرەزيدەنتتٸگٸنە 100 كٷن تولعانعا دەيٸن (سەۋٸر ايىنىڭ سوڭى) ەلدە 100 ملن ەكپە سالۋ مٸندەتٸ مەرزٸمٸنەن بۇرىن ورىندالعان. ەندٸگٸ ماقسات – بۇل كٶرسەتكٸشتٸ 200 ملن-عا جەتكٸزۋ.
جۋرناليستەر وعان ٸندەتپەن كٷرەس, كٶشٸ-قون, قارۋ-جاراقتى باقىلاۋ, زاڭ شىعارۋ باستامالارى, حالىقارالىق قاتىناس مەسەلەلەرٸ تۋرالى سۇراقتار قويعان.
بايدەن 2024 جىلى ەكٸنشٸ رەت پرەزيدەنت سايلاۋىنا تٷسۋگە دايىن ەكەنٸن مەلٸمدەدٸ. ول كەزدە 82 جاسقا تولادى.
بايدەن اق ٷي ەكٸمشٸلٸگٸنٸڭ ەرەكەتٸ "ەلدٸ بٸرٸكتٸرەتٸنٸن", ونى كٶپتەگەن رەسپۋبليكاشىلدار دا قولدايتىنىن ايتقان. "مەنٸ ادامداردى بٶلٸپ-جارۋ ٷشٸن ەمەس, مەسەلەنٸ شەشۋ ٷشٸن وسى قىزمەتكە قابىلدادى" دەدٸ اقش پرەزيدەنتٸ.
اۋعانستاننان ەسكەر شىعارۋ مەسەلەسٸنە توقتالعان بايدەن "بۇل مەسەلە 1 مامىرعا دەيٸن شەشٸلە قويمايدى, بٸراق امەريكا ەسكەرٸ ول جاقتا ۇزاق قالمايدى" دەپ اتاپ ٶتكەن.
بايدەن سونىمەن بٸرگە سولتٷستٸك كورەيانىڭ زىمىرانداردى سىناقتان ٶتكٸزۋٸن ايىپتاپ, پحەنيانمەن كەلٸسسٶزگە دايىن ەكەنٸن مەلٸمدەدٸ.
قىتايمەن قاتىناس مەسەلەسٸ تٶڭٸرەگٸندە سۇراقتارعا جاۋاپ بەرگەن بايدەن اقش سٶز بوستاندىعى, ادام قۇقىعى سيياقتى ماڭىزدى پرينتسيپتەردٸ قورعايدى, پەكيندٸ قاتاڭ سىنايدى دەگەن. اقش تەكەتٸرەستەردەن بويىن اۋلاق ۇستاعىسى كەلەدٸ, بٸراق ادال بەسەكەلەسۋگە دايىن دەدٸ.
بايدەننٸڭ ايتۋىنشا, قازٸر ەلەمدە دەموكراتييا مەن اۆتوكراتييا جٷيەسٸنٸڭ قايسىسى تيٸمدٸرەك دەگەن مەسەلە شەشٸلٸپ جاتىر. پرەزيدەنت بۇل تۇستا رەسەيگە توقتالىپ, ول كوممۋنيستٸك يدەولوگييا شىرماۋىنان شىققانمەن, اۆتوكرات ەل رەتٸندە قالدى دەدٸ. اقش پرەزيدەنتٸ وداقتاستارىمەن بٸرٸگٸپ دەموكراتييا سامميتٸن ٶتكٸزەتٸنٸن دە راستادى. وعان امەريكا-رەسەي قاتىناسى تۋرالى سۇراق قويىلعان جوق.
جاقىندا ABC تەلەارناسىنا بەرگەن سۇحباتىندا بايدەن "رەسەي پرەزيدەنتٸ ۆلاديمير پۋتيندٸ قانٸشەر دەپ سانايسىز با?" دەگەن سۇراققا "يە" دەپ جاۋاپ بەرگەن ەدٸ. وسىدان كەيٸن پۋتين بايدەنگە "تٸكەلەي ەفيردە ەڭگٸمەلەسۋدٸ" ۇسىنعان. ەكٸ تاراپتىڭ بۇل جٶنٸندە كەلٸسكەنٸ جايلى ەزٸرگە اقپارات جوق. بايدەن پۋتينمەن ۋاقىت كەلگەندە مٸندەتتٸ تٷردە ەڭگٸمەلەسەتٸنٸن ايتقان.
