دجونس حوپكينس ۋنيۆەرسيتەتٸنٸڭ دەرەگٸنشە, 9 قازان كٷنٸ ەلەمدە 350 مىڭعا جۋىق ادامنان Covid ينفەكتسيياسى انىقتالدى. بۇل – بۇرىن-سوڭدى بولماعان كٶرسەتكٸش. ەپيدەمييا باستالعالى 36,8 ميلليون ادامنىڭ كوروناۆيرۋس ينفەكتسيياسىن جۇقتىرعانى راستالدى. ميلليوننان استام ناۋقاس قايتىس بولدى.
سونداي-اق سوڭعى تەۋلٸكتە ەلەم بويىنشا COVID-19 ۆيرۋسىنان كەم دەگەندە 5514 ناۋقاس كٶز جۇمعان.
راستالعان Covid ناۋقاستارى بويىنشا كٶش باسىندا اقش, ٷندٸستان جەنە برازيلييا تۇر.
تٶرتٸنشٸ ورىندا تۇرعان رەسەيدە (اننەكسييالانعان قىرىمدى قوسقاندا) تەۋلٸك ٸشٸندە 12 126 ادامنان كوروناۆيرۋس انىقتالدى. بۇل – ٸندەت باستالعالى تٸركەلگەن ەڭ جوعارعى كٶرسەتكٸش. مۇنىڭ الدىنداعى رەكورد 11 مامىر كٷنٸ تٸركەلگەن. ول كٷنٸ ۆيرۋس 11 656 ادامنان تابىلعان. ەلدە بارلىعى 1,3 ميلليونعا جۋىق ادامنىڭ Covid ينفەكتسيياسىن جۇقتىرعانى راستالعان.
دجونس حوپكينس ۋنيۆەرسيتەتٸنٸڭ Covid-كارتاسىندا قازاقستان 108 663 ناۋقاسپەن 38-ورىندا تۇر. ۋنيۆەرسيتەت ەسەپكە تەك پتر تەستٸمەن راستالعان ناۋقاستار دەرەگٸن عانا الادى. بۇل ستاتيستيكادا كوروناۆيرۋس جۇقتىرعانى دياگنوزى بويىنشا انىقتالعان پنەۆمونييا ناۋقاستارى كٶرسەتٸلمەگەن. قازاقستان ولاردىڭ ەسەبٸن 1 تامىزدان بەرٸ جٷرگٸزٸپ كەلەدٸ. رەسمي دەرەك بويىنشا, 1 تامىز بەن 10 ارالىعىندا 34 617 ادامعا كوروناۆيرۋس پنەۆمونيياسى دياگنوزى قويىلعان. ەگەر ەكەۋٸن قوسسا, قازاقستان 32-ورىنعا كٶتەرٸلەدٸ.
ٸندەت كٷرت ٶرشۋ بٸرنەشە ەلدە بايقالىپ وتىر. قىركٷيەكتٸڭ سوڭىندا يزرايل كارانتين شەكتەۋلەرٸن قايتا ەنگٸزدٸ. ودان كەيٸن چەحييا, سلوۆاكييا, يتالييا جەنە ۇلىبريتانييا دا كارانتين تالاپتارىن كٷشەيتتٸ. شارالار كٶبٸنە كافەلەر مەن رەستوراندار جۇمىسىن شەكتەۋدٸ, ادام كٶپ قاتىساتىن ٸس-شارالاردى ازايتۋدى, ماسكا تاعىپ جٷرۋدٸ قامتيدى. بٸرقاتار ەلدە بٸلٸم بەرۋ قاشىقتان جٷرگٸزٸلە باستادى.
