ٶتكەن اپتادا ەلەمدە 3 ميلليوننان استام ادام كوروناۆيرۋس ينفەكتسيياسىن جۇقتىرسا, 50 مىڭنان استام ادام قايتىس بولدى, دەپ حابارلايدى قازاقپارات تاسس-قا سٸلتەمە جاساپ.
سەرسەنبٸ كٷنٸ دٷنيەجٷزٸلٸك دەنساۋلىق ساقتاۋ ۇيىمىنان (ددسۇ) مەلٸم ەتكەندەي, ينفەكتسييا جۇقتىرعاندار سانى جەتٸ كٷندە 3%, ال قايتىس بولعاندار سانى 8% ارتتى.
«سوڭعى بٸر اپتادا ەلەمدە كوروناۆيرۋس جۇقتىرعاندار سانى ونىڭ الدىنداعى اپتامەن سالىستىرعاندا ايتارلىقتاي ٶستٸ (3%). بارلىعى 3 ملن استام جاعداي تٸركەلدٸ», - دەلٸنگەن ددسۇ ەپيدەميولوگييالىق بيۋللەتەنٸندە.
قايتىس بولعاندار سانى بٸر اپتادا 8% (50 مىڭ ادام) كٶبەيدٸ.
ٸندەتتٸ جۇقتىرعانداردىڭ 60% ەۋروپا تۇرعىندارى. جەتٸ كٷندە ناۋقاستار سانى 6% ارتقان, امەريكادا – 3%, باتىس تىنىق مۇحيتى ەلدەرٸندە 2% ٶسكەن. شىعىس جەرورتا تەڭٸزٸندە كۆي-دٸ جۇقتىرۋ ايتارلىق ازايعان (12%), وڭتٷستٸك-شىعىس ازييادا (9%) جەنە افريكادا (9%) دا تٶمەندەگەن. ٸندەتتەن قايتىس بولعانداردىڭ ەڭ كٶبٸ وڭتٷستٸك-شىعىس ازييادا تٸركەلدٸ (50%).
بيۋللەتەندە كەلتٸرٸلگەن مەلٸمەتتەرگە سەيكەس, 25-31 قازان ارالىعىندا ەلەمدە 3 021 634 ادام كوروناۆيرۋس جۇقتىرعان جەنە 50 477 ادام قايتىس بولعان. بٸر اپتادا ەڭ كٶپ اۋرۋ جۇقتىرعان ەلدەرگە اقش (528 455), ۇلىبريتانييا (285 028), رەسەي (272 147), تٷركييا (182 027) جەنە ۋكراينا (152 897) كٸرەدٸ.
