Ótken aptada álemde 3 millionnan astam adam koronavirýs infektsiiasyn juqtyrsa, 50 myńnan astam adam qaitys boldy, dep habarlaidy QazAqparat TASS-qa silteme jasap.
Sársenbi kúni Dúniejúzilik densaýlyq saqtaý uiymynan (DDSU) málim etkendei, infektsiia juqtyrǵandar sany jeti kúnde 3%, al qaitys bolǵandar sany 8% artty.
«Sońǵy bir aptada álemde koronavirýs juqtyrǵandar sany onyń aldyndaǵy aptamen salystyrǵanda aitarlyqtai ósti (3%). Barlyǵy 3 mln astam jaǵdai tirkeldi», - delingen DDSU epidemiologiialyq biýlleteninde.
Qaitys bolǵandar sany bir aptada 8% (50 myń adam) kóbeidi.
Indetti juqtyrǵandardyń 60% Eýropa turǵyndary. Jeti kúnde naýqastar sany 6% artqan, Amerikada – 3%, Batys Tynyq muhity elderinde 2% ósken. Shyǵys Jerorta teńizinde KVI-di juqtyrý aitarlyq azaiǵan (12%), Ońtústik-Shyǵys Aziiada (9%) jáne Afrikada (9%) da tómendegen. Indetten qaitys bolǵandardyń eń kóbi Ońtústik-Shyǵys Aziiada tirkeldi (50%).
Biýlletende keltirilgen málimetterge sáikes, 25-31 qazan aralyǵynda álemde 3 021 634 adam koronavirýs juqtyrǵan jáne 50 477 adam qaitys bolǵan. Bir aptada eń kóp aýrý juqtyrǵan elderge AQSh (528 455), Ulybritaniia (285 028), Resei (272 147), Túrkiia (182 027) jáne Ýkraina (152 897) kiredi.
