بٷگٸن مەجٸلٸستەگٸ ٷكٸمەت ساعاتىندا دەنساۋلىق ساقتاۋ مينيسترٸ الەكسەي تسوي ۆاكتسينالاۋدىڭ جالعان پاسپورتتارىن ساتىپ الۋعا قانداي توسقاۋىل قويىلىپ جاتقانىن ايتتى, دەپ حابارلايدى قازاقپارات.
«جۇمىسىنا ادال قارامايتىن ەرٸپتەستەرٸمٸز دە بار ەكەنٸ ٶكٸنٸشتٸ. بۇل تۇرعىدا «بيزنەستٸڭ يندۋستريياسى» بايقالدى. وسى ورايدا بٸز وسى مەسەلەنٸ شەشۋ ٷشٸن بٸرٸنشٸ بولىپ باستاما جاساپ, قۇقىق قورعاۋ ورگاندارىنان جەدەل جۇمىستاردى جٷرگٸزۋدٸ سۇرادىق. ياعني سالادا ٶزٸ ٸسٸنە ادال ەمەس ەرٸپتەستەرٸمٸزدٸ انىقتاۋ كەرەك بولدى. بۇل رەتتە 90-نان استام قىلمىستىق ٸس قوزعالدى, ونىڭ جارتىسىنان استامى پتر-تەست نەتيجەلەرٸن قولدان جاساۋعا, ال قالعانى ۆاكتسينالاۋ پاسپورتىنا قاتىستى. ەربٸر پۋنكت بويىنشا تەكسەرٸلەدٸ. سوت شەشٸمٸ شىققاننان كەيٸن, بارلىق جالعان پاسپورتتار بازادان ٶشٸرٸلەدٸ. بٸرقاتار ۇيىمداردا كامەرالار ورناتىلدى. سونىمەن قاتار ٸشكٸ قاداعالاۋ بار, مەديتسينالىق ۇيىمدار ٶزدەرٸ دە تەكسەرۋ جٷرگٸزەدٸ», - دەدٸ ا. تسوي.
وسى ورايدا ول ۆاكتسينا الۋ ارقىلى ٸندەتتٸڭ تارالۋىن تەجەۋگە مٷمكٸن بولاتىنىن ايتتى. سونىمەن قاتار, كۆي-دٸڭ جەڭٸل ٶتۋٸنە جاعداي جاسالادى.
«شىنىن ايتقاندا, بۇل مەسەلەگە قاتىستى حالىققا تٷسٸندٸرۋگە تىرىسىپ جاتىرمىز. ادامدار ٶزٸن-ٶزٸ (جالعان پاسپورت ارقىلى) الداپ جاتىر. دەنساۋلىعىن قورعامايتىن قاعازدى ساتىپ العاننان نە پايدا? كٸمدٸ الداپ جاتىر?!», - دەدٸ مينيستر.
