Búgin Májilistegi Úkimet saǵatynda Densaýlyq saqtaý ministri Aleksei Tsoi vaktsinalaýdyń jalǵan pasporttaryn satyp alýǵa qandai tosqaýyl qoiylyp jatqanyn aitty, dep habarlaidy QazAqparat.
«Jumysyna adal qaramaityn áriptesterimiz de bar ekeni ókinishti. Bul turǵyda «biznestiń indýstriiasy» baiqaldy. Osy oraida biz osy máseleni sheshý úshin birinshi bolyp bastama jasap, quqyq qorǵaý organdarynan jedel jumystardy júrgizýdi suradyq. Iaǵni salada ózi isine adal emes áriptesterimizdi anyqtaý kerek boldy. Bul rette 90-nan astam qylmystyq is qozǵaldy, onyń jartysynan astamy PTR-test nátijelerin qoldan jasaýǵa, al qalǵany vaktsinalaý pasportyna qatysty. Árbir pýnkt boiynsha tekseriledi. Sot sheshimi shyqqannan keiin, barlyq jalǵan pasporttar bazadan óshiriledi. Birqatar uiymdarda kameralar ornatyldy. Sonymen qatar ishki qadaǵalaý bar, meditsinalyq uiymdar ózderi de tekserý júrgizedi», - dedi A. Tsoi.
Osy oraida ol vaktsina alý arqyly indettiń taralýyn tejeýge múmkin bolatynyn aitty. Sonymen qatar, KVI-diń jeńil ótýine jaǵdai jasalady.
«Shynyn aitqanda, bul máselege qatysty halyqqa túsindirýge tyrysyp jatyrmyz. Adamdar ózin-ózi (jalǵan pasport arqyly) aldap jatyr. Densaýlyǵyn qorǵamaityn qaǵazdy satyp alǵannan ne paida? Kimdi aldap jatyr?!», - dedi ministr.
