الەكسەي تسوي تۇماۋعا قارسى ەكپە الدى

دەنساۋلىق ساقتاۋ مينيسترٸ الەكسەي تسوي تۇماۋعا قارسى ەكپە الدى. بۇل تۋرالى مينيستر ٶزٸنٸڭ Facebook-تەگٸ پاراقشاسىندا جازدى.

"دەستٷرلٸ تٷردە جىل سايىن تۇماۋعا قارسى ەكپە الامىن. ٶتكەن جىلى ەكپەدەن كەيٸن تۇماۋمەن اۋىرعان جوقپىن. بٷگٸن قازاقستاندا تۇماۋعا قارسى جىل سايىنعى ەكپە ەگۋ شاراسى باستالدى. بارلىعىڭىزعا دەنساۋلىق تٸلەيمٸن!", - دەپ جازدى ول.

ەستەرٸڭٸزگە سالا كەتەيٸك, قازاقستاندا 15 قىركٷيەكتە تۇماۋعا قارسى ۆاكتسينا ەگۋ ناۋقانى باستالدى. تۇرعىندارعا ٶزٸ تٸركەلگەن ەمحانالاردا رەسەيلٸك "گريپپول+" پرەپاراتى ەگٸلەدٸ. سونداي-اق, سانوفي-پاستەر (فرانتسييا) ٶندٸرگەن «ۆاكسيگريپ تەترا», ينفليۋۆاك (نيدەرلاند) مەن سينوۆاك بيوتەك (قىتاي) كومپانييالارى ٶندٸرگەن ۆاكتسينالاردى دا الۋعا بولادى.

يممۋنداۋ ناۋقانى 15 قاراشاعا دەيٸن سوزىلادى. 

بۇل ماقساتقا 2,5 ميلليون دوزا ۆاكتسينا ساتىپ الىندى.