Densaýlyq saqtaý ministri Aleksei Tsoi tumaýǵa qarsy ekpe aldy. Bul týraly ministr óziniń Facebook-tegi paraqshasynda jazdy.
"Dástúrli túrde jyl saiyn tumaýǵa qarsy ekpe alamyn. Ótken jyly ekpeden keiin tumaýmen aýyrǵan joqpyn. Búgin Qazaqstanda tumaýǵa qarsy jyl saiynǵy ekpe egý sharasy bastaldy. Barlyǵyńyzǵa densaýlyq tileimin!", - dep jazdy ol.
Esterińizge sala keteiik, Qazaqstanda 15 qyrkúiekte tumaýǵa qarsy vaktsina egý naýqany bastaldy. Turǵyndarǵa ózi tirkelgen emhanalarda reseilik "Grippol+" preparaty egiledi. Sondai-aq, Sanofi-Paster (Frantsiia) óndirgen «Vaksigrip Tetra», Infliývak (Niderland) men Sinovak Biotek (Qytai) kompaniialary óndirgen vaktsinalardy da alýǵa bolady.
Immýndaý naýqany 15 qarashaǵa deiin sozylady.
Bul maqsatqa 2,5 million doza vaktsina satyp alyndy.
