قر دەنساۋلىق ساقتاۋ مينيسترٸ الەكسەي تسوي ٶز ەركٸمەن وتستاۆكاعا كەتۋ تۋرالى سۇراقتارعا جاۋاپ بەردٸ, دەپ حابارلايدى "ۇلت اقپارات".
«دەنساۋلىق ساقتاۋ مينيسترلٸگٸ سوڭعى كەزدەرٸ جيٸ سىنعا ۇشىراپ جٷر. سٸزدٸڭ دە مينيستر رەتٸندە جاۋاپكەرشٸلٸك ارقالايتىنىڭىز انىق. مۇنداي جاعدايلار قايتالانا بەرسە, ٶز ەركٸڭٸزبەن وتستاۆكاعا كەتۋگە دايىنسىز با?», - دەگەن سۇراق قويىلدى مينيسترگە ورتالىق كوممۋنيكاتسييالار قىزمەتٸندە.
ٶز كەزەگٸندە الەكسەي تسوي دەنساۋلىق ساقتاۋ مينيسترلٸگٸ الدىندا كٶپتەگەن مەسەلەلەر تۇرعانىن ايتتى.
«ٶكٸنٸشكە قاراي, پاندەمييا جاپپاي بارلىعىنا ىقپال ەتٸپ جاتىر. مينيسترلٸكتٸڭ دە بار كٷشٸ كوروناۆيرۋس ينفەكتسيياسىمەن كٷرەسكە باعىتتالعان. بٷكٸل قىزمەتكەرلەرٸمٸز ٸس جٷزٸندە تەۋلٸك بويى جۇمىس ٸستەۋدە. ەگەر ەلٸمٸزدٸڭ باسشىلىعى باسقا مامانداردى تارتۋدى دۇرىس دەپ ۇيعارسا, بٸز ەردايىم دايىنبىز. قازٸر بٸز تٸكەلەي جۇمىسىمىزعا كٸرٸسٸپ كەتتٸك, باسقاسىنا ۋاقىت جوق. بٸز ازاماتتارىمىزدى قۇتقارۋمەن اينالىسىپ جاتىرمىز», - دەپ جاۋاپ بەردٸ الەكسەي تسوي.
