قر دەنساۋلىق ساقتاۋ مينيسترٸ الەكسەي تسوي اۋىلدىق ەلدٸ مەكەندەردە مەديتسينالىق كٶمەكتٸڭ قالاي داميتىنىن ايتتى, دەپ حابارلايدى قازاقپارات.
«بٸزدە COVID-تەن بٶلەك اۋرۋلار بويىنشا دا مەديتسينالىق كٶمەك كٶرسەتۋ توقتاعان جوق. اۋىلداردا دەنساۋلىق ساقتاۋ سالاسىن دامىتۋعا ٷلكەن كٶڭٸل بٶلٸپ جاتىرمىز. بٸز ٷشٸن مەديتسينالىق كٶمەكتٸڭ ەربٸر ەلدٸ مەكەندە بولۋى جەنە ەربٸر ازاماتقا جەتۋٸ ٶتە ماڭىزدى. قازٸن سول ٷشٸن كٶلٸك مەديتسيناسىن دامىتىپ جاتىرمىز. قازاقستانداعى ٶڭٸرلەردٸڭ بەرٸنە 149 جىلجىمالى مەديتسينالىق كەشەن اتتاندىرىلعان. ولار قاجەتتٸ مەديتسينالىق جابدىقتارمەن, توڭازىتقىشتارمەن, ەكگ اپپاراتتارىمەن, رەنتگەنمەن جابدىقتالدى. بٸرٸنشٸ كەزەكتە مەديتسينالىق وبەكتٸلەر مٷلدەم جوق ەلدٸ مەكەندەرگە باسىمدىق بەرٸپ وتىرمىز. جىلجىمالى كەشەننٸڭ كٶمەگٸمەن سول اۋىلدارعا دەرٸ-دەرمەكتەر جەتكٸزٸلٸپ, پروفيلاكتيكالىق تەكسەرۋلەر جٷرگٸزۋ جولعا قويىلدى», - دەدٸ الەكسەي تسوي قر پرەزيدەنتٸ جانىنداعى ادام قۇقىقتارى جٶنٸندەگٸ كوميسسييا وتىرىسىنىڭ الدىندا باق ٶكٸلدەرٸنە بەرگەن سۇحباتىندا.
مينيستردٸڭ ايتۋىنا قاراعاندا, جوسپار بويىنشا بارلىق تٸرەك اۋىلدار باستاپقى بۋىنداعى مەديتسينالىق نىساندارمەن جٷز پايىز قامتاماسىز ەتٸلۋٸ تيٸس.
«بٸز بۇل باعدارلاماعا باسا نازار اۋدارامىز. الداعى بەس جىلدا تٸرەك اۋىلداردىڭ بەرٸندە مەديتسينالىق نىساندار بولۋى كەرەك. ەر ٶڭٸردە مەديتسينالىق كٶمەكپەن قامتىلماعان ەلدٸ مەكەندەر بار جەنە ازاماتتار اۋدان ورتالىقتارىنا بارۋعا مەجبٷر.
ەڭ باستىسى – مامان دايارلاۋ. قازٸر بٸز مامان تاپشىلىعىن جويۋ ٷشٸن ەر وبلىسقا قايتا وقىتىلعان مەديتسينا قىزمەتكەرلەرٸن جٸبەرٸپ جاتىرمىز. سولاردى بارعان جەرٸندە تۇراقتاتۋ ٷلكەن مٸندەت بولىپ وتىر», - دەدٸ ۆەدومستۆو باسشىسى.
