قر دەنساۋلىق ساقتاۋ مينيسترٸ الەكسەەي تسوي رەۆاكتسيناتسييادان ٶتكٸسٸ كەلگەندەر نەگە اعزاداعى انتيدەنە سىناماسىن تاپسىرۋ كەرەكتٸگٸن تٷسٸندٸردٸ, دەپ حابارلايدى قازاقپارات.
«ۆاكتسينا ادام اعزاسىن بەلگٸلٸ بٸر دەڭگەيدە اۋرۋدان قورعاي الادى. بٸزگە ٶتٸنٸشتەر تٷسكەن. ەكپە العان ازاماتتاردىڭ كەيبٸرٸ ۋاقىت ٶتە كەلٸپ, اعزاسىندا انتيدەنە مٶلشەرٸنٸڭ تٷسٸپ كەتكەنٸن بايقاعان. بٸز سونداي ادامدارعا قايتا ەكپە الۋدى ۇسىنامىز. ال نەگٸزٸ رەۆاكتسيناتسييا بٸرٸنشٸ كەزەكتە العى شەپتە جٷرگەن قىزمەتكەرلەرگە ۇسىنىلادى.
بٸزدٸڭ نەگٸزگٸ كٶزدەگەنٸمٸز – كوروناۆيرۋس جۇقتىرۋ قاۋپٸمەن بەتپە-بەت كەلەتٸن ادامدار رەۆاكتسيناتسيياعا جاتادى. بٸز ولارعا كەڭەس بەرەمٸز. باسقا ازاماتتار اعزاسىندا انتينەدە مٶلشەرٸ تٷسٸپ كەتكەنٸن كٶرسە, قوسىمشا دوزا الۋ مٷمكٸندٸگٸ بار», - دەگەن مينيستر, بٷتٸن ەلەمدە قايتا ۆاكتسينالاۋ ەۋەلٸ العى شەپتەگٸ قىزمەتكەرلەر مەن وسال توپتار اراسىندا جٷرگٸزٸلٸپ جاتقانىن ەسكە سالدى.
«بۇعان دەيٸن ايتقانىمداي, مەن اعزامداعى انتيدەنەنٸڭ مٶلشەرٸن تەكسەرگەلٸ وتىرعان جوقپىن. بٸز العى شەپتەگٸ قىزمەتكەر بولعاندىقتان, رەۆاكتسيناتسييانىڭ مەرزٸمٸ كەلگەندە انتيدەنە تالداۋىنسىز-اق, قايتا ەكپە الۋعا بارامىز.
جەكە ٶز باسىم انتيدەنە سىناماسىن تاپسىرعالى وتىرعان جوقپىن. ونىڭ قاجەتتٸگٸن كٶرٸپ تۇرعانىم جوق. انتيدەنە مٶلشەرٸن بٸلٸپ بارىپ قايتا ۆاكتسينالاۋعا بارۋ بىلايعى ادامدارعا قوسىمشا مٷمكٸندٸك رەتٸندە ۇسىنىلىپ وتىرعانىن تٷسٸنۋ ماڭىزدى. ۆاكتسينانىڭ ەكٸ كومپونەنتٸن الىپ, ۋاقىت ٶتە كەلە انتيدەنە جوق ەكەنٸن كٶرگەن ازاماتتارعا قايتا ۆاكتسينا الۋدى ۇسىنامىز, كەڭەس بەرەمٸز», - دەدٸ مينيستر.
سونداي-اق, ول ەلدە رەۆاكتسيناتسييا حالىقارالىق تەجٸريبەگە سٷيەنٸپ جالعاساتىنىن ەسكەرتتٸ. ٶزگە ەلدەر رەۆاكتسيناتسيياعا جاتاتىن ساناتتاردىڭ قاتارىن كەڭەيتسە, قازاقستاندا دا بۇل مەسەلە قاراستىرىلۋى مٷمكٸن.
«ەۋەل باستا بٸز قايتا ۆاكتسينالاۋدى العى شەپتەگٸ مامانداردان باستاۋدى كٶزدەگەن بولاتىنبىز. بٷكٸل ەلەمدە سولاي ٸستەلٸپ جاتىر. ەلەمدە جاڭا كٶرسەتكٸشتەر پايدا بولىپ, رەۆاكتسيناتسيياعا جاتاتىن ساناتتار كەڭەيتٸلگەندە بٸز دە سول جولمەن جٷرەمٸز. بٸزگە قازٸر حالىقارالىق تەجٸريبە ماڭىزدى بولىپ وتىر», - دەدٸ الەكسەي تسوي.
