2025 جىلعا قاراي قازاقستان ٸشكٸ نارىقتى قۇس ەتٸمەن تولىقتاي قاماتاماسىز ەتەدٸ. بۇل تۋرالى ٸح حالىقارالىق قۇس ٶسٸرۋشٸلەر فورۋمىندا قر اۋىل شارۋاشىلىعى بٸرٸنشٸ ۆيتسە-مينيسترٸ ايداربەك ساپاروۆ ايتتى, دەپ حابارلايدى قازاقپارات.
«2025 جىلعا قاراي قۇس ەتٸ بويىنشا يمپورتتى تولىقتاي وتاندىق ٶنٸممەن الماستىرۋ جوسپارلانعان. بۇل تۇرعىدا جاڭا قۇس فابريكالارى سالىنىپ, قازٸر قولدانىستا تۇرعاندارى جاڭعىرتۋدان ٶتەدٸ», - دەدٸ ساپاروۆ.
ونىڭ ايتۋىنشا, 2021 جىلدىڭ قورىتىندىسى بويىنشا 8 قۇس فابريكاسى پايدالانۋعا بەرٸلگەن. جوبالاردىڭ جالپى قۇنى 40 ملرد تەڭگەنٸ قۇرادى. ال جاڭادان قۇرىلعان جۇمىس ورىندارى 500-گە جۋىقتاعان.
ٶز كەزەگٸندە قازاقستان قۇس ٶسٸرۋشٸلەرٸ وداعىنىڭ پرەزيدەنتٸ رۋسلان شەرٸپوۆ ەلٸمٸزدٸڭ بٸرنەشە ٶڭٸرٸندە فابريكالار سالىنىپ جاتقانىن ايتتى.
«مەنٸڭ ويىمشا, الداعى ەكٸ-ٷش جىلدا قۇس ەتٸمەن ٸشكٸ نارىقتى تولىقتاي قامتاماسىز ەتەمٸز. سونىمەن قاتار, ٷيرەك پەن قاز ٶسٸرەتٸن شارۋاشىلىقتار دا ەلٸمٸزدە بٸرتٸندەپ دامىپ كەلە جاتىر», - دەدٸ شەرٸپوۆ.
بيىل قازاقستاندا قۇس ٶسٸرۋ سالاسىندا وڭ كٶرسەتكٸشتەر بايقالىپ وتىر.
بۇعان دەيٸن حابارلانعانداي, قۇس جەمٸنٸڭ قىمباتتاۋىنا بايلانىستى قۇس ٶسٸرۋشٸلەر قيىندىققا تاپ بولعان.
«قۇس جەمٸنٸڭ بٸر تونناسى 180-190 مىڭ تەڭگەگە جەتتٸ. قۇس ەتٸ مەن جۇمىرتقانىڭ ٶزٸندٸك قۇنىنىڭ 70 پايىزى جەمنٸڭ باعاسىنا قاتىستى بولادى. ەگەر قۇس جەمٸ ارزان بولسا, وندا بٸزدٸڭ ٶنٸم دە نارىققا تٶمەن باعامەن شىعادى», - دەدٸ شەرٸپوۆ.
