مەملەكەت باسشىسى قاسىم-جومارت توقاەۆ الاتاۋ قالاسىن دامىتۋ جٶنٸندەگٸ كەڭەستە سٶيلەپ, جاڭا شاھاردىڭ ەل ەكونوميكاسى ٷشٸن ستراتەگييالىق ماڭىزى زور ەكەنٸن ايتتى, دەپ حابارلايدى ult.kz.
پرەزيدەنتتٸڭ سٶزٸنشە, الاتاۋ قالاسىن سالۋ تۋرالى شەشٸم ەكٸ جىل بۇرىن قابىلدانعان جەنە جوبا بيزنەستٸڭ, يننوۆاتسييانىڭ ەرٸ ينۆەستيتسييانىڭ جاڭا ورتالىعىنا اينالۋى تيٸس.
— وسى جەردە ٶمٸر سٷرۋ, جۇمىس ٸستەۋ ازاماتتارىمىزعا, ەسٸرەسە, ٶسكەلەڭ ۇرپاققا مول مٷمكٸندٸك بەرمەك. سوندىقتان الاتاۋ قالاسى قۇرىلىسىنىڭ نەگٸزگٸ قاعيدالارى جاڭا كونستيتۋتسيياعا ەنگٸزٸلدٸ, – دەدٸ مەملەكەت باسشىسى.
توقاەۆ بٷگٸندە قالا دامۋىنا قاجەتتٸ قۇقىقتىق نەگٸز تولىق قالىپتاسقانىن اتاپ ٶتتٸ. ونىڭ ايتۋىنشا, كەسٸپكەرلەر ٷشٸن سالىقتىق جەڭٸلدٸكتەر قاراستىرىلىپ, تسيفرلىق اكتيۆتەردٸ دامىتۋعا قولايلى جاعداي جاسالۋدا.
— بٷگٸندە الاتاۋدى رەسمي تٷردە بٸرەگەي قۇقىقتىق مەرتەبەسٸ بار قارقىندى داميتىن قالا دەپ اتاۋعا بولادى, – دەدٸ پرەزيدەنت.
سونىمەن قاتار مەملەكەت باسشىسى الماتى وبلىسىنىڭ ەكونوميكالىق كٶرسەتكٸشتەرٸ جامان ەمەس ەكەنٸن اتاپ ٶتتٸ. بىلتىر ٶڭٸرلٸك جالپى ٶنٸم كٶلەمٸ 6,7 تريلليون تەڭگەگە جەتٸپ, 5,4 پايىزعا ٶسكەن. جىل باسىنان بەرٸ وبلىس ەكونوميكاسىنا 266,2 ميلليارد تەڭگە ينۆەستيتسييا تارتىلعان.
الايدا پرەزيدەنت ٶڭٸردەگٸ بٸرقاتار مەسەلەلەرگە دە توقتالدى. ەسٸرەسە قوناەۆ قالاسىنداعى ينفراقۇرىلىم قۇرىلىسىنىڭ باياۋ جٷرٸپ جاتقانىن سىنعا الدى.
— قوناەۆ قالاسىنداعى ينفراقۇرىلىم قۇرىلىسى ٶتە باياۋ جٷرگٸزٸلٸپ جاتىر. "باياعى جارتاس – سول جارتاس", قالانىڭ كەلبەتٸ ٶزگەرٸسسٸز كٷيدە, – دەدٸ قاسىم-جومارت توقاەۆ.
مەملەكەت باسشىسى Alatau City جوباسىنا ٷلكەن ٷمٸت ارتاتىنىن ايتىپ, ونى ەلەمدەگٸ تابىستى جاڭا قالالارمەن سالىستىردى.
— Alatau City جوباسى – شىن مەنٸندە جان-جاقتى زەردەلەنٸپ, پىسىقتالعان جوبا. بٸز بۇل باستامادان زور نەتيجە كٷتەمٸز, – دەدٸ ول.
پرەزيدەنتتٸڭ ايتۋىنشا, الاتاۋ بولاشاقتا ٷلكەن دەرەكتەر, جاساندى ينتەللەكت جەنە تسيفرلىق تەحنولوگييالارعا نەگٸزدەلگەن تولىققاندى «اقىلدى قالاعا» اينالۋى تيٸس.
— Alatau City ينفراقۇرىلىمى, قالالىق سەرۆيستەرٸ مەن ەكونوميكاسى ٶزارا ىقپالداستىرىلعان العاشقى تولىق تسيفرلىق قالا بولادى, – دەدٸ مەملەكەت باسشىسى.
سونداي-اق پرەزيدەنت ينۆەستورلارعا بارىنشا قولايلى جاعداي جاساۋدى تاپسىردى.
— بۇل ٶتٸنٸش نەمەسە كەڭەس ەمەس, بۇل – ناقتى تاپسىرما, – دەپ اتاپ ٶتتٸ توقاەۆ.
كەڭەس بارىسىندا مەملەكەت باسشىسى الاتاۋدى تسيفرلىق اكتيۆتەردٸ دامىتۋ مەن جاڭا قارجى ارحيتەكتۋراسىن قالىپتاستىرۋدىڭ ستراتەگييالىق الاڭى رەتٸندە قاراستىرۋ قاجەت ەكەنٸن ايتتى. ونىڭ پٸكٸرٸنشە, قالا ورتالىق ازيياداعى العاشقى كريپتوقالاعا اينالۋى مٷمكٸن.
سونىمەن بٸرگە پرەزيدەنت ٶڭٸردەگٸ ينفراقۇرىلىمدىق پروبلەمالارعا نازار اۋدارىپ, جاڭا قالاعا قوسىلعان ەلدٸ مەكەندەردە ەلەكتر قۋاتىنىڭ جيٸ ٶشۋٸ, ينتەرنەتتٸڭ, ساپالى جولداردىڭ جەنە ورتالىقتاندىرىلعان سۋ جٷيەسٸنٸڭ جەتٸسپەۋٸ سەكٸلدٸ مەسەلەلەر شەشٸلۋٸ تيٸس ەكەنٸن ايتتى.
جيىن سوڭىندا مەملەكەت باسشىسى الاتاۋ قالاسى رەسۋرستاردى ٷنەمدٸ پايدالانۋ مەن ەكولوگييالىق مەدەنيەتتٸڭ ٷلگٸسٸ بولۋى كەرەكتٸگٸن اتاپ ٶتتٸ.
— الاتاۋ قالاسى رەسۋرستاردى وڭتايلى, ٷنەمدەپ قولدانۋدا ٷلگٸ بولۋعا تيٸس, – دەدٸ پرەزيدەنت.
سونداي-اق ول ٷكٸمەت پەن ەكٸمدٸكتەرگە «تازا قازاقستان» تۇجىرىمداماسىن ورىنداۋ كونستيتۋتسييالىق مٸندەت ەكەنٸن ەسكە سالدى.
