فوتو: DPA/تاسس
تٷركييانىڭ الانييا اۋماعىندا بولعان جول اپاتىنان قازاقستاندىق تۋريست كٶز جۇمدى. بۇل اقپاراتتى قر سىرتقى ٸستەر مينيسترلٸگٸنٸڭ باسپاسٶز قىزمەتٸ راستادى, دەپ حابارلايدى قازاقپارات.
«الانيياداعى اپاتتان زارداپ شەككەن جولاۋشىلاردىڭ بٸرٸ اۋىر جاراقات سالدارىنان بٷگٸن تاڭەرتەڭ اۋرۋحانادا قايتىس بولدى. قازا تاپقان قر ازاماتىنىڭ ۇلى بٷگٸن انتاليياعا كەلدٸ جەنە قازٸر بٸزدٸڭ ديپلوماتتارمەن بٸرگە. وعان بٷكٸل قاجەتتٸ كٶمەك كٶرسەتٸلەدٸ», - دەلٸنگەن ۆەدومستۆو حابارلاماسىندا.
ەسكە سالايىق, تٷركييالىق باق-تىڭ حابارلاۋىنشا, قازاقستاندىق تۋريستەردٸ تاسىمالداعان ميكرواۆتوبۋس الانيياداعى Okurcalar Mahallesi D-400 تراسساسىندا جٷك كٶلٸگٸنە سوعىلعان. سالدارىنان كٶلٸك جٷرگٸزۋشٸ مەن گيد (ۋكراينا ازاماتى) وقيعا ورنىندا كٶز جۇمدى.
اپات ورنىنا پوليتسييا مەن مەديتسينا بريگادالارى دەرەۋ جٸبەرٸلگەن. كٶلٸكتە بولعان 12 تۋريستٸڭ التاۋى اۋىر جاراقاتپەن جەرگٸلٸكتٸ اۋرۋحاناعا جەتكٸزٸلگەن.
سونداي-اق بٷگٸن جول اپاتىنان ەكٸ قازاقستاندىق جاراقات العانى, ولارعا وتا جاسالعانى حابارلاندى.
