بەلگٸلٸ ايتىسكەر اقىن مۇحامەدجان تازابەك ٶزٸن سىناعاندارعا جاۋاپ بەردٸ, دەپ حابارلايدى Sputnik قازاقستان.
"قازاقستاندا ەشكٸم اشتان ٶلمەيدٸ. قازاقستاندا اۋزى قيمىلداعاننىڭ قولى قيمىلدايدى, قولى قيمىلداعاننىڭ اۋزى قيمىلدايدى. الاڭعا كەلگەن ادامداردىڭ 50%-ىن "جەرتۆو" قىلىپ شىعارىپ جاتىر. سٸز "پريكازبەن" كەلدٸڭٸز بە? مەملەكەت ٷشٸن شارۋاڭىزدى جاساڭىز". بۇل اقىن تازابەكتٸڭ جۋىردا پوليتسەيلەرمەن كەزدەسۋٸندە سٶيلەگەن سٶزٸنەن ٷزٸندٸ.
تازابەكتٸڭ وسى ۋاعىزى جەلٸدە تاراپ, بٸراز ادامنىڭ اشۋىن تۋعىزعان ەدٸ. كەشەلٸ بەرٸ جەلٸ قولدانۋشىلارى اقىندى سىنعا الىپ, سٶگٸپ جاتىر. بٷگٸن مۇحامەدجان تازابەك ينستاگرام پاراقشاسىندا سىناپ-مٸنەگەندەرگە ٶز جاۋابىن بەردٸ.
"جاناشىرلارىما" ٷلكەن "راحمەت" ايتقىم كەلەدٸ. بٷكٸل كەزدەسۋٸمە بارىپ, ۆيدەولارىمدى جيناپ, مٸنسٸز مونتاج جاساپ, قاي كٷنٸ قانشا ادامعا ناسيحات ايتقانىما دەيٸن تەپتٸشتەپ, ەرەكشە ەڭبەك جاساعان ەكەنسٸزدەر... باسىن اياعىنا, اياعىن باسىنا جاپسىرىپ, بٸر سٶيلەمدٸ ەكٸگە بٶلٸپ تۇرىپ مونتاجداپ, ايرىقشا مايتالماندىق تانىتقان ەكەنسٸزدەر...سونشاما كەزدەسۋدە, مۇنشاما "قاتىگەز, ەل بۇزارلىق, ەكٸ جٷزدٸ" سٶزدەر ايتقان بولسام, كٶزبە-كٶز ەستٸپ وتىرعان بٸردە-بٸر تىڭدارماننىڭ ەلەۋمەتتٸك جەلٸدە قارسى پٸكٸر بٸلدٸرمەگەنٸ قالاي? كەرٸسٸنشە جٷزدەسۋدەن ۇلتتىق رۋحى قايرالىپ, ريزاشىلىقتان اق باتاسىن جاۋدىرعان مىڭداعان اعايىننىڭ اق تٸلەگٸ الدامشى العىستار ما ەدٸ?!", - دەپ جازعان ول.
اقىن تولىق ۆيدەو بار بولسا, اتا مەن ەجەنٸڭ, انا مەن بالانىڭ قادىر-قاسيەتٸن ايتىپ, پاگوندىلاردىڭ كەيبٸرٸ كٶزٸنە جاس العانىن نەگە كٶرسەتپەدٸڭٸزدەر دەپ سۇرايدى.
"قاتايعان جٷرەكتەر مەن تۇرپايى مٸنەزدەردٸڭ ايىپتالعانىن, "بٸرٸنشٸ كەزەكتە تەرتٸپ پەن تالاپتى ٶزدەرٸڭەن باستاۋ كەرەك" دەگەنٸمدٸ نەگە كەسٸپ تاستادىڭىزدار ەكەن? "بٷلٸك كٸسٸ ٶلتٸرگەننەن جامان, ول قاتەرلٸ جول" ونىڭ قاتەرلٸلٸگٸ جايلى "ەلەمنٸڭ بارلىق عالىمى كەلٸسكەن, پەتۋا بەرگەن" دەپ ايتقانىمدى نەگە اجىراتتىڭىزدار. سوڭعى سٶزدٸ مەككەدەگٸ جامباستان تەبەتٸن پوليتسييا جايلى ەڭگٸمەنٸڭ ارتىنا نەگە جاپسىردىڭىزدار? قىتايدىڭ ەلەم قاۋٸپتەنٸپ وتىرعان تۇستارى مەن ودان امان قالۋدىڭ جولدارى جايلى ايتقان جارتى ساعاتتىق تولعانىسىمدى نەگە تولىق بەرمەدٸڭٸزدەر? "قىتايدان قورىقپايىق, قۇدايدان قورقايىق" دەگەن العاشقى سٶيلەمدٸ عانا نەگە ويىپ الدىڭىزدار?", - دەيدٸ تازابەك.
وسى ورايدا ول روليكتٸ جاساعان نەمەسە سول جيىندارعا قاتىسقان تىڭدارماندارىنا ٶتٸنٸشٸن بٸلدٸرگەن.
"كەزدەسۋلەر كەسٸبي كامەراعا تٷسٸرٸلگەن ەكەن. ونىڭ ٷستٸنە ەركٸمنٸڭ قالتاسىندا سمارتفون جٷر عوي. ەشبٸر جەردە ەشكٸمگە تٷسٸرۋگە تىيىم سالعانىم جوق. قۇقىق قورعاۋشىلارعا قاراتا, "حالىقتى اياماڭدار, ۇرىڭدار, سوعىڭدار, ولار بٷلٸكشٸلەر, اياعىن سىندىرىڭدار, اتا-ەجەنٸ جۇلمالاڭدار, ەيەلدەر مەن بالا-شاعانى شىڭعىرتىڭدار" دەگەن ەكٸ مينۋتتىق, تىم بولماسا مونتاجدالماعان بٸر مينۋتتىق ۆيدەونى جۇرتقا جارييالاڭىزدارشى. بولماسا, قىتايدى جاقتاعان, ونىڭ داڭقىن اسپانداتقان 2 مينۋتتىق مونتاجدالماعان ۆيدەونى ماعان تاۋىپ بەرٸڭٸزدەرشٸ. تاۋىپ بەرگەن كٸسٸگە استىمداعى اتىمدى تٷسٸپ بەرۋگە دايىنمىن", - دەيدٸ تازابەك.
ول ەلدەگٸ كەمشٸلٸكتەردٸ بٸلەتٸنٸن ايتتى.
"بٸلگەندٸكتەن ساپامىزدى ارتتىرىپ, سىنعاندى بٷتٸندەۋ ٷشٸن كٷندٸز-تٷن شاپقىلاپ جٷرمٸز. الاڭعا شىعۋ دا قازاققا قول ەمەس. ەۋروپالىقتارداي الاڭعا تٶرتتە كەلٸپ, التىدا قايتىپ كەتەتٸن قازاقتى ەزٸر كٶرگەنٸم جوق. شاقىرعان تويدىڭ ٶزٸنە كەشٸگٸپ بارىپ, ٷي يەسٸنٸڭ ۇيقىسى كەلگەندە بٸراق قايتاتىن قاۋىمبىز. شايدان سوڭ سوڭ شاي ٸشەتٸنٸمٸز تاعى بار. شەرۋ – بٸزدٸڭ مەنتاليتەتكە شەتٸن. قازاقتان الاڭدى قىزعانبايمىن. ارانداپ قالامىز با, دەپ الاڭدايمىن. بەلە اياق استىندا. نيەتٸڭٸز بەيبٸت شەرۋ شىعار... "جەتٸسكەننەن شىعام با" دەرسٸز... ەموتسيونالدى ورتاعا كەلگەسٸن ەشكٸمگە گارانتييا جوق. وت جاعۋ وپ وڭاي", - دەپ تٷيٸندەگەن سٶزٸن اقىن.
