الاكٶل جاعالاۋىندا اداسىپ كەتكەن سەگٸز جاسار بالا پوليتسييا قىزمەتكەرلەرٸ مەن بەيجاي قاراماعان تۇرعىنداردىڭ جەدەل ەرەكەتٸنٸڭ ارقاسىندا بٸر ساعاتقا جەتەر-جەتپەس ۋاقىتتا تابىلىپ, اناسىنا امان-ەسەن قايتارىلدى, دەپ حابارلايدى ult.kz.
وقيعا دەمالىس كەزٸندە بولعان. بالا اناسىنا جاعالاۋدا قالىپ قويعان اياق كيٸمٸن الىپ كەلەتٸنٸن ايتىپ, ٶزدٸگٸنەن كەتٸپ قالعان. الايدا ارادا بٸراز ۋاقىت ٶتسە دە ورالماعان. باعدارىنان جاڭىلعان ول باسقا ەلدٸ مەكەنگە قاراي كەتٸپ قالعان.
وسى سەتتە بالانى بايقاپ قالعان تۇرعىندار ونى سابىرعا شاقىرىپ, پوليتسييا قىزمەتكەرلەرٸنە تاپسىرعان. حابار تٷسكەن بويدا پوليتسييا ٸزدەستٸرۋ جۇمىستارىن باستاپ, بارلىق پاترۋلدٸك جاساقتارعا جەدەل باعدار بەرگەن.
جەدەل جٷرگٸزٸلگەن ٸزدەۋ نەتيجەسٸندە بالا كٶپ ۇزاماي تابىلىپ, اناسىنا امان-ەسەن جەتكٸزٸلدٸ. ونىڭ ٶمٸرٸ مەن دەنساۋلىعىنا ەشقانداي قاۋٸپ تٶنبەگەنٸ انىقتالدى.
جەتٸسۋ وبلىسى پوليتسييا دەپارتامەنتٸ اتا-انالاردى بالالاردى كٶپشٸلٸك دەمالاتىن ورىنداردا قاراۋسىز قالدىرماۋعا شاقىردى. ۆەدومستۆونىڭ مەلٸمەتٸنشە, از عانا ۋاقىتتىڭ ٶزٸ قاۋٸپتٸ جاعدايعا ەكەلۋٸ مٷمكٸن. ەگەر بالا جوعالىپ كەتكەنٸ بايقالسا, بٸردەن پوليتسيياعا حابارلاسۋ قاجەت.
