Alakól jaǵalaýynda adasyp ketken segiz jasar bala politsiia qyzmetkerleri men beijai qaramaǵan turǵyndardyń jedel áreketiniń arqasynda bir saǵatqa jeter-jetpes ýaqytta tabylyp, anasyna aman-esen qaitaryldy, dep habarlaidy ult.kz.
Oqiǵa demalys kezinde bolǵan. Bala anasyna jaǵalaýda qalyp qoiǵan aiaq kiimin alyp keletinin aityp, ózdiginen ketip qalǵan. Alaida arada biraz ýaqyt ótse de oralmaǵan. Baǵdarynan jańylǵan ol basqa eldi mekenge qarai ketip qalǵan.
Osy sátte balany baiqap qalǵan turǵyndar ony sabyrǵa shaqyryp, politsiia qyzmetkerlerine tapsyrǵan. Habar túsken boida politsiia izdestirý jumystaryn bastap, barlyq patrýldik jasaqtarǵa jedel baǵdar bergen.
Jedel júrgizilgen izdeý nátijesinde bala kóp uzamai tabylyp, anasyna aman-esen jetkizildi. Onyń ómiri men densaýlyǵyna eshqandai qaýip tónbegeni anyqtaldy.
Jetisý oblysy Politsiia departamenti ata-analardy balalardy kópshilik demalatyn oryndarda qaraýsyz qaldyrmaýǵa shaqyrdy. Vedomstvonyń málimetinshe, az ǵana ýaqyttyń ózi qaýipti jaǵdaiǵa ákelýi múmkin. Eger bala joǵalyp ketkeni baiqalsa, birden politsiiaǵa habarlasý qajet.
