قر پارلامەنتٸ سەناتىنىڭ دەپۋتاتى سۇلتان دٷيسەنبينوۆ الماتى وبلىسىنىڭ تۋريزم سالاسىنداعى ٶزەكتٸ مەسەلەلەردٸ كٶتەردٸ, دەپ حابارلايدى قازاقپارات.
پرەمەر-مينيسترگە جولداعان ساۋالىندا سەناتور الاكٶل كٶلٸ جاعالاۋىنىڭ ينجەنەرلٸك ينفراقۇرىلىمىن دامىتۋدىڭ ماڭىزدىلىعىنا توقتالدى. قولدانىستاعى ەلەكتر جەلٸسٸنە تٷسەتٸن اۋىرتپالىق كٶپ بولعاندىقتان كەي جەرلەردە ەلەكتر قۋاتىنىڭ جەتٸسپەۋشٸلٸگٸ بايقالادى. الاكٶلدە موبيلدٸ ينتەرنەتكە قول جەتكٸزۋدە دە پروبلەمالار بار.
«تۋريستٸك وبەكتٸلەردە ۇيالى بايلانىس وپەراتورلارىنىڭ ستانتسييالارى بولعانىمەن, ولاردىڭ قۋاتى بٷكٸل الاكٶل جاعالاۋىن قامتي المايدى. وسى ورايدا, ۇيالى بايلانىس وپەراتورلارى ستانتسييالارىنىڭ اۋقىمىن ارتتىرۋ, تۋريزم وبەكتٸلەرٸ ٷشٸن جەڭٸلدٸكتٸ باعالارمەن جوعارى جىلدامدىقتا ينتەرنەت جەلٸلەرٸن جٷرگٸزۋ جولدارىن قاراستىرۋ كەرەك», - دەدٸ ٶزٸنٸڭ دەپۋتاتتىق ساۋالىندا سۇلتان دٷيسەمبينوۆ.
سونىمەن بٸرگە, سەناتور الماتى وبلىسىنداعى تاۋ شاڭعىسى كۋرورتتارىن سۋمەن قامتاماسىز ەتۋگە بايلانىستى مەسەلەلەردٸ دە كٶتەردٸ. ول قوسىلاتىن نىساندار مەن كەلەشەگٸ زور تاۋ شاڭعىسى كۋرورتتارىنىڭ قاجەتتٸلٸكتەرٸ ٷشٸن سۋ رەسۋرستارىنا گيدروگەولوگييالىق زەرتتەۋلەر جٷرگٸزۋ قاجەت ەكەنٸن اتاپ ٶتتٸ.
دەپۋتاتتىڭ ايتۋىنشا, مۇنداي جۇمىستار سوڭعى رەت 1985 جىلى جٷرگٸزٸلگەن.
سەناتور قازاقستاندا تۋريزمدٸ دامىتۋعا قاتىستى ٶزەكتٸ مەسەلەلەر كەلەسٸ جىلدىڭ باسىندا «قازاقستاننىڭ ٸشكٸ تۋريزمٸن دامىتۋ – ۋاقىت تالابى» تاقىرىبى بويىنشا پارلامەنتتٸك تىڭداۋدا قارالاتىنىن اتاپ ٶتتٸ.
