الاكٶل – اينالايىن جىراق تۇرعان,
مەن جٷسٸپ, ٶلەڭ سٶزدٸ قۇراستىرعان.
اياقتى ٸسٸك شالىپ, ەتٸك سيماي,
سۋىڭا ەم بولار دەپ كەلٸپ تۇرعان.
ات ارباعا تاڭىلىپ, ەرەڭ جەتتٸم,
ارقادا زالال قىلىپ بٸر انتۇرعان.
- دەپتٸ, ٶز زامانىندا, شيپالى كٶلگە ەم الۋعا كەلگەن, ارقانىڭ سەرٸ جٸگٸتٸ جٷسٸپ باينازارۇلى.
وسى الاكٶلدٸڭ جاعاسىنا, ٶز زامانىندا جوڭعار - قالماقپەن سوعىسقان ەلٸمٸزدٸڭ ۇلى باتىرى ەر قابانباي, شايقاستا جارالانعان ساربازدارىن كٶل سۋىنا الىپ كەلٸپ, بٸراز كٷن قالدىرىپ كەتەدٸ ەكەن. قىلىش شاپقان, نايزا جىرعان, جەبە تيگەن جارالى ساربازدار, سۋدىن شيپاسىمەن قايتادان تٸك تۇرىپ, قاتارعا قوسىلاتىن كٶرٸنەدٸ. كٶلدٸڭ ەرەكشە قاسيەتٸن, سول زاماننىڭ ٶزٸندە- اق قالىڭ قازاق بٸلگەنگە ۇقسايدى.
وسىدان بٸرنەشە جىل بۇرىن تۋريزم جەنە سپورت مينيسترلٸگٸ ەلٸمٸزدەگٸ ەڭ ٷزدٸك 10 تۋريستٸك ورىندى جارييالادى. وسى تٸزٸمگە شيپالى الاكٶل دە ەنٸپ وتىر. الاكٶل جازعى دەمالىس اۋماعى – قازٸرگٸ اباي وبلىسىنداعى الدىنعى قاتارلى تۋريستٸك ايماقتاردىڭ بٸرٸ جەنە بٸرەگەيٸ سانالادى.
الاكٶل – تۇزدى, اعىنسىز كٶل. ەسەمدٸگٸمەن كٶڭٸلگە قۋانىش ۇيالاتاتىن ول تەڭٸز دەڭگەيٸنەن 347 مەتر بيٸكتە ورنالاسقان. ۇزىندىعى 104, ەنٸ 52 شاقىرىمدى قۇرايدى. الاكٶلدە دەمالىس ورىندارىنىڭ كٶپتەپ ورنالاسۋى – سۋىنىڭ مينەرالدارعا باي بولۋىندا. ونىڭ قۇرامىندا مەندەلەەۆ كەستەسٸندەگٸ ەلەمەنتتەردٸڭ كٶبٸ كەزدەسەدٸ. قۇرامى جاعىنان كانادانىڭ اتاقتى اتاباسكا كٶلٸنە جەنە قارا تەڭٸزگە جاقىن.
سۋىنىڭ جازدىق ورتاشا تەمپەراتۋراسى – 26 گرادۋس. سۋداعى مينەرالدار تىنىس الۋ مٷشەلەرٸ, سٷيەك-بۇلشىق ەت, جٷيكە جٷيەسٸ اۋرۋلارىمەن قوسا, تەرٸ اۋرۋلارىندا, راديكۋليت, ٶكپە, وبىر اۋرۋىنىڭ ەڭ العاشقى كەزەڭٸندە وڭ ىقپال ەتٸپ, جازىلۋعا جاعداي تۋدىرادى.
2022 جىلى الاكٶل دەمالىس ايماعىندا 250 كەسٸپكەرلٸك نىسانى قىزمەت كٶرسەتسە, بىلتىر تاعى 14 دەمالىس ٷيٸ اشىلدى. ولاردىڭ ٸشٸندە «وريەنت الاكٶل», «اتلانت», «تەمٸرلان», «نوماد», «دوستىق», «كەرٸم», «جاعالاۋ», «حانسۇلتان», «نۇرجاۋ», «دولچەۆيتا», «Roۋal Relax», «ەرمادا», «دوستار» سىندى بازالار ورىن تەپكەن.
كەلۋشٸلەرگە كٶرسەتٸلەتٸن قىزمەت اياسى جىل سايىن كەڭەيۋدە. كٶل جاعاسىندا «بٸر تەرەزە» قاعيداتى بويىنشا «Tourٸst ٸnfo» اتتى وبلىستىڭ العاشقى تۋريستٸك-اقپاراتتىق ورتالىعى جۇمىس ٸستەيدٸ, ەكٸ مەنەدجەر دەمالۋشىلارعا تەگٸن اقپاراتتىق-كونسۋلتاتسييالىق كٶمەك كٶرسەتەدٸ.
الاكٶلگە كەلۋشٸلەر سانى جىلدان-جىلعا ارتىپ, دەمالىس ٷيلەرٸ دە كٶبەيٸپ كەلەدٸ.
كٶل جاعالاۋىنداعى دەمالىس ٷيلەرٸ كٶرٸكتٸ جەنە دەمحانالاردىڭ سانى دا كٶپ. زاماناۋي تالاپقا ساي «پارۋس», «ٸنجۋ», «الاكٶل-اراسان», «ەيگەرٸم», «كەرۋەن», «نوماد», «Alakol Famٸly Club» سيياقتى ٸرٸ دەمالىس ورىندارى سالىنىپ, دەمالىس اۋماعىنىڭ سەنٸن كەلتٸرٸپ تۇر.
جىل سايىن كٶل جاعاسىندا «الاكٶل الاۋلارى» فەستيۆالٸ ۇيىمداستىرىلىپ كەلەدٸ.
قالاي دەسەك تە, بٷگٸندە الاكٶل جاعاسى ادام تانىماستاي ٶزگەرگەن. الداعى ۋاقىتتا دەمالىس ايماعىنىڭ حالىقارالىق دەنگەيگە جەتەرٸ انىق.
