قوستاناي وبلىسىندا پوليتسييا قىزمەتكەرلەرٸ ينتەرنەت-الاياقتاردىڭ ىقپالىنا تٷسكەن 54 جاستاعى رۋدنىي قالاسىنىڭ تۇرعىنىن ٸرٸ قارجىلىق شىعىننان امان الىپ قالدى, دەپ حابارلايدى ult.kz.
ٸشكٸ ٸستەر مينيسترلٸگٸنٸڭ باسپاسٶز قىزمەتٸنٸڭ مەلٸمەتٸنشە, ەيەلگە ٶزٸن جەتكٸزۋ قىزمەتٸنٸڭ ٶكٸلٸ رەتٸندە تانىستىرعان بەلگٸسٸز ادامدار قوڭىراۋ شالىپ, سەلەمدەمەنٸ رەسٸمدەۋ قاجەت ەكەنٸن ايتىپ, SMS ارقىلى كەلگەن قۇپييا كودتى سۇراتقان. ەيەل كودتى ايتقاننان كەيٸن الاياقتار بٸرنەشە كٷن بويى ونىمەن بايلانىسىپ, تٷرلٸ پسيحولوگييالىق قىسىم كٶرسەتكەن.
الاياقتاردىڭ ىقپالىنا تٷسكەن تۇرعىن تۋىستارىمەن قارىم-قاتىناسىن ٷزٸپ, ٷيدەن شىقپاي, بولعان جاعدايدى ەشكٸمگە ايتپاعان. ونىڭ بۇل ەرەكەتٸ جاقىندارىنىڭ كٷدٸگٸن تۋعىزىپ, ولار پوليتسيياعا حابارلاسقان.
جەدەل ٸزدەستٸرۋ شارالارى بارىسىندا پوليتسەيلەر ەيەلدٸڭ تۇرعان جەرٸن انىقتاپ, ونىڭ الاياقتاردىڭ نۇسقاۋىمەن قۇنى شامامەن 7 ميلليون تەڭگە بولاتىن پەتەرٸن ساتۋ تۋرالى كەلٸسٸم جاساپ قويعانىن انىقتادى.
پوليتسييا قىزمەتكەرلەرٸنٸڭ دەر كەزٸندە ارالاسۋىنىڭ ارقاسىندا مەمٸلە توقتاتىلىپ, ەيەلدٸڭ باسپاناسى ساقتالىپ قالدى. قازٸرگٸ ۋاقىتتا وقيعانىڭ بارلىق مەن-جايى انىقتالىپ جاتىر.
