Qostanai oblysynda politsiia qyzmetkerleri internet-alaiaqtardyń yqpalyna túsken 54 jastaǵy Rýdnyi qalasynyń turǵynyn iri qarjylyq shyǵynnan aman alyp qaldy, dep habarlaidy ult.kz.
Ishki ister ministrliginiń baspasóz qyzmetiniń málimetinshe, áielge ózin jetkizý qyzmetiniń ókili retinde tanystyrǵan belgisiz adamdar qońyraý shalyp, sálemdemeni rásimdeý qajet ekenin aityp, SMS arqyly kelgen qupiia kodty suratqan. Áiel kodty aitqannan keiin alaiaqtar birneshe kún boiy onymen bailanysyp, túrli psihologiialyq qysym kórsetken.
Alaiaqtardyń yqpalyna túsken turǵyn týystarymen qarym-qatynasyn úzip, úiden shyqpai, bolǵan jaǵdaidy eshkimge aitpaǵan. Onyń bul áreketi jaqyndarynyń kúdigin týǵyzyp, olar politsiiaǵa habarlasqan.
Jedel izdestirý sharalary barysynda politseiler áieldiń turǵan jerin anyqtap, onyń alaiaqtardyń nusqaýymen quny shamamen 7 million teńge bolatyn páterin satý týraly kelisim jasap qoiǵanyn anyqtady.
Politsiia qyzmetkerleriniń der kezinde aralasýynyń arqasynda mámile toqtatylyp, áieldiń baspanasy saqtalyp qaldy. Qazirgi ýaqytta oqiǵanyń barlyq mán-jaiy anyqtalyp jatyr.
