باتىس قازاقستان وبلىسىنىڭ اقجايىق اۋدانىندا باستىعىن اتىپ ٶلتٸرگەن پوليتسەيدٸڭ اقىل-ەسٸ دۇرىس ەكەنٸ انىقتالدى. مامانداردىڭ پٸكٸرٸنشە, ول كٸسٸ ٶلتٸرگەن كەزدە فيزيولوگييالىق اففەكت جاعدايىندا بولعان. بۇل تۋرالى ارنايى كٷزەت باسقارماسىنىڭ قىزمەتكەرٸ 24 جاستاعى سەرٸك عاريف تۋرالى سوت-پسيحياترييالىق ساراپتاما قورىتىندىسىندا جازىلعان.
سەرٸك عاريف بيىل 6 قىركٷيەكتە تابەلدٸك تاپانشادان 34 جاستاعى باسشىسى رٷستەم راقىشەۆقا اقجايىق اۋداندىق ٸشكٸ ٸستەر بٶلٸمٸ الدىندا وق اتتى. كٸسٸ ٶلتٸرگەن سوڭ بٸردەن پوليتسيياعا بەرٸلگەن, دەپ حابارلايدى sputniknews اگەنتتٸگٸ جەرگٸلٸكتٸ uralskweek.kz پورتالىنا سٸلتەمە جاساپ.
سوت-پسيحياترييالىق ساراپتاما قورىتىندىسى بويىنشا, سەرٸك عاريفتٸڭ دەنٸ ساۋ, اقىل-ەسٸ دۇرىس. بٸراق كٷدٸكتٸنٸ تەكسەرٸپ شىققان مامانداردىڭ ايتۋىنشا, ول ۇزاق ۋاقىت قىسىم كٶرۋ سالدارىنان تۋىنداعان فيزيولوگييالىق اففەكت جاعدايىندا قىلمىس جاساعان.
سەرٸك عاريف قىلمىسى تۋرالى ٶزٸ تولىعىمەن ايتىپ بەردٸ. ونىڭ سٶزٸنە سٷيەنسەك, رٷستەم راقىشەۆپەن جۇمىس ٸستەگەن العاشقى كٷننەن باستاپ, ەكەۋٸ بٸر-بٸرٸن جاقتىرماعان.
"ماعان ٷنەمٸ تيٸسٸپ جٷرەتٸن. قايتا-قايتا ەسكەرتۋ جاساپ, باسقالاردىڭ كٶزٸنشە تٶمەندەتەتٸن. ەشقاشان دۇرىستاپ امانداسپاي, ٷنەمٸ تٸل تيگٸزٸپ جٷردٸ. وسىنىڭ بەرٸ بٸرتٸندەپ جينالا بەردٸ. سول كٷنٸ تاعى دا مەنٸڭ نامىسىما تيدٸ. سودان سوڭ مەنٸمەن باسقا قىزمەتكەرلەرگە قارۋ الىپ, جۇمىسقا كٸرٸسۋگە بۇيىردى. قارۋ بٶلمەسٸنەن تاپانشانى الىپ, شىعا بەرگەندە, دالادان رٷستەم راقىشەۆتى كٶردٸم. ەدەتتەگٸدەي ايۋ سيياقتى قورباڭداپ كەلە جاتىر ەكەن. ونى جەك كٶرەتٸنمٸن. جٷرٸس-تۇرىسى جىنىما تيەتٸن. ارتىندا كەلە جاتىپ, تاپانشامدى شىعاردىم دا, اياعىنىڭ استىنا وق اتتىم. سودان سوڭ, نە كٶرٸنگەنٸن بٸلمەيمٸن, قالاي بولسا, سولاي وق جاۋدىرا بەردٸم. ول سۇلاپ تٷسكەن كەزدە عانا توقتادىم", — دەپ سەرٸك عاريف ساراپتاما كەزٸندە جاۋاپ بەرگەن.
"كەرٸ بۇرىلىپ, كەزەكشٸنٸڭ ٷستەلٸنە كەلدٸم دە, تاپانشانى قويىپ: "بولدىم" دەدٸم. باسقا اٸٸب قىزمەتكەرلەرٸ جٷگٸرٸپ كەلٸپ, قولىمدى بۇرادى. وقساۋىتتاعى قالعان وق-دەرٸنٸ تارتىپ الىڭدار دەدٸم", — دەپ جالعاستىردى ەكس-پوليتسەي.
سەرٸك عاريفتٸڭ ۇزاق ۋاقىت بويى كٷيزەلٸستە جٷرگەنٸن ونىڭ اعاسى ساقاۋوۆ تا ايتتى. كٷدٸكتٸ 2015 جىلى كٷزەت قىزمەتٸنە جۇمىسقا ورنالاسقالى بەرٸ چاپاەۆ اۋىلىنداعى سول اعاسىنىڭ ٷيٸندە تۇرعان. ساقاۋوۆتىڭ ايتۋىنشا, سەرٸك عاريفتٸڭ مٸنەزٸ تۇيىق, جۇمىسى تۋرالى تٸس جارماعان.
2017 جىلى بٸر كٷنٸ اعاسى باۋىرىنىڭ جۇمىستان ۇنجىرعاسى تٷسٸپ كەلگەنٸن بايقاپ قالعان. تٷسكٸ اس كەزٸندە نەگە كٶڭٸل-كٷيٸ بولماي جٷرگەنٸن سۇراعان. سەرٸك عاريف كەنەت جىلاپ جٸبەرٸپ, قاتتى شارشاعانىن, بۇدان بىلاي مۇنداي جاعدايدا جۇمىس ٸستەي المايتىنىن ايتقان. اعاسى نە بولعانىن سۇراي باستاعاندا سەرٸك عاريف ٷستەلدەن تۇرىپ, ٷيدەن شىعىپ كەتٸپ قالعان. سودان كەيٸن ونىڭ ٷيٸنە ەكٸ كٷننەن كەيٸن كەلگەن جەنە ەشقاشان جۇمىسىندا نە بولىپ جاتقانىن ايتپاعان.
ۇلىنىڭ مٸنەزٸ تۇيىق ەكەنٸن كٷدٸكتٸنٸڭ ەكەسٸ سەرٸك عاريف راستادى.
"وندا نە بولعانىن, قانداي سەبەپپەن ٶلتٸرگەنٸن بٸلمەيمٸن. ۇلىممەن كەزدەسۋگە بٸرنەشە رەت باردىم. ول جانجالدىڭ سەبەبٸن ايتپادى. اناسىمەن جٷزدەسۋدەن باس تارتىپ, مۇندا كەلمەۋٸن سۇرادى. ادۆوكات جالداۋعا تىيىم سالدى, وعان ەلٸ كٷنگە دەيٸن تەگٸن, مەملەكەتتٸك ادۆوكات قىزمەت كٶرسەتۋدە", — دەيدٸ نۇرلان عاريف.
رٷستەم راقىشەۆتىڭ اتا-اناسى دا جانجالدىڭ سەبەبٸن بٸلمەيدٸ. مارقۇمنىڭ ەكەسٸ جاسقايرات راقىشەۆ سوت- پسيحياترييالىق ساراپتامانىڭ قورىتىندىسىمەن كەلٸسپەيدٸ.
"سەرٸك عاريف ۇلىمدى قاساقانا ٶلتٸردٸ, ەشقانداي اففەكت بولعان جوق. سەرٸك تٷسٸنٸكتەمەسٸندە پىشاق الىپ جٷرگەنٸن ايتتى. ياعني ول بۇل قىلمىسقا دايىندالعان", — دەيدٸ ول.
رٷستەم راقىشەۆتىڭ تۋىستارى كٷدٸكتٸنٸ قايتا ساراپتامادان ٶتكٸزۋدٸ تالاپ ەتۋدە. قۇجاتتا تەرگەۋشٸ كٶپتەگەن پروتسەسسۋالدىق قۇقىق بۇزۋشىلىق جٸبەرگەن, ال بۇل قۇجاتتى زاڭسىز دەپ تانۋعا نەگٸز بولا الاتىن كٶرٸنەدٸ.
قازٸرگٸ تاڭدا بۇل ٸستٸ تەرگەۋ جالعاسىپ جاتىر.
