قىتايدا ٶمٸر بويىنا باس بوستاندىعىنان ايىرىلعان, اقجارقىن تۇرلىبايدىڭ ٸسٸ بويىنشا كٷدٸككە ٸلٸنگەن نيگەرييا ازاماتى ۇستالدى. بۇل تۋرالى قازاق قىزىنىڭ ادۆوكاتى سۇڭقار نۇرماعامبەتوۆ حابارلادى, دەپ جازادى Sputnik قازاقستان.
"الدىن الا مەلٸمەت بويىنشا 2014 جىلى اقجارقىن تۇرلىبايدىڭ قىتايعا ساپارىن ۇيىمداستىردى دەگەن كٷدٸككە ٸلٸنگەن نيگەرييا ازاماتى اديندو نونسو فورتۋنە "دجونني" شەت مەملەكەتتٸڭ اۋماعىندا ۇستالدى", - دەپ حابارلادى ادۆوكات سۇڭقار نۇرماعامبەتوۆ.
ەستەرٸڭٸزگە سالا كەتەيٸك, 2015 جىلى قازاقستاننىڭ ٸشكٸ ٸستەر مينيسترلٸگٸ بۇل ادامعا قاتىستى قىلمىستىق ٸس قوزعاعان بولاتىن.
نۇرماعامبەتوۆ تولىعىراق اقپارات الۋ ٷشٸن قازاقستان ٸشكٸ ٸستەر مينيسترلٸگٸنە ادۆوكاتتىق ساۋال جولداعانىن ايتتى.
اقجارقىن تۇرلىبايدىڭ ٸسٸ
قازاقستان ازاماتى اقجارقىن تۇرلىباي 2014 جىلى ناۋرىزدا گۋانچجوۋ ەۋەجايىندا ۇستالعان ەدٸ. وعان شەكارادان 4,5 كەلٸ ەسٸرتكٸنٸ الىپ ٶتپەك بولدى دەگەن ايىپ تاعىلدى. ول كەزدە وتانداسىمىز 20 جاستا بولعان. 2015 جىلدىڭ ماۋسىمىندا قىتاي سوتى ونى ٶمٸر بويىنا باس بوستاندىعىنان ايىردى. سوتتا اقجارقىن شەتەلدٸك دوسى الداپ كەتكەنٸن ايتىپ, كٸنەسٸن مويىنداعان جوق.
2016 جىلى سوت شەشٸمٸ جويىلىپ, ٸس قايتا قاراۋعا جٸبەرٸلدٸ.
اراعا ٷش جىل سالىپ, 2019 جىلدىڭ 27 جەلتوقسانىندا گۋانچجوۋ سوتى ٷكٸم شىعاردى – جازا ٶزگەرٸسسٸز قالدى.
2019 جىلى تۇرلىبايدىڭ اناسى زۋحرا سەيتٸموۆا قازاقستان پرەزيدەنتٸنە كٶمەك سۇراپ حات جازدى.
2019 جىلى قىركٷيەكتە پرەزيدەنت قاسىم-جومارت توقاەۆ قىتايعا ساپارى كەزٸندە ٸزگٸلٸك تانىتىپ, اقجارقىندى وتانىنا قايتارۋعا جەردەمدەسۋگە شاقىردى.
وسى جىلدىڭ مامىرىندا باس پروكۋراتۋرا قىتاي اقجارقىن تۇرلىبايدى قازاقستانعا ەكستراديتسييالاۋدان باس تارتقانىن حابارلادى.
بۇعان دەيٸن قازاقستاننىڭ قىتايداعى ەلشٸلٸگٸ تۇرلىباي قاسىنداعى سوتتالعاندارعا اعىلشىن تٸلٸن ٷيرەتٸپ جٷرگەنٸن حابارلاعان ەدٸ. سونىمەن قاتار, ول كٶركەم ەدەبيەت وقيدى, دەنە شىنىقتىرۋمەن دە اينالىسادى. قىتاي تٸلٸن جاقسى مەڭگەرٸپ العان.
