ۇلتتىق بانك تٶراعاسى دانييار اقىشەۆ تەڭگە باعامىنا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان تٸلشٸسٸ.
"تەڭگە باعامى سىرتقى جەنە ٸشكٸ نارىقتارعا تەۋەلدٸ. سوڭعى بٸرنەشە كٷنگە دەييٸن بارلىق ماكروەكونوميكالىق پارامەتر تۇراقتى بولدى. ەڭ الدىمەن ول – مۇنايدىڭ جوعارى باعاسى جەنە ساۋدا سەرٸكتەستەرٸ ۆاليۋتاسىنىڭ تۇراقتىلىعى. ٶكٸنٸشكە قاراي, اقش-تىڭ رەسەيگە قارسى سانكتسييالارى رەسەيدٸڭ قور نارىعى مەن ۆاليۋتا نارىعىن قۇبىلتتى. رەسەي بٸزدٸڭ ساۋدا سەرٸكتەسٸمٸز, ەاەو-عا مٷشە ەلدەرمٸز. ەرينە, بٸز بٸر-بٸرٸمٸزگە ىقپال ەتەمٸز. سوندىقتان وسى جاعدايدا رەسەيدە بولىپ جاتقان وقيعالار قازاقستانعا ەسەرٸن تيگٸزەدٸ", — دەدٸ اقىشەۆ.
ۇلتتىق بانك تٶراعاسى تەڭگە رۋبلگە بايلانىپ قالماعانىن اتاپ ٶتتٸ.
"بٸز بٸر-بٸرٸمٸزگە تەۋەلدٸ بولعانىمىزبەن, تەڭگە رۋبلگە بايلانىپ قالعان جوق. نەگە رۋبل قاتتى ٶزگەرٸپ, تەڭگە از قۇبىلدى? بٸرٸنشٸ سەبەپ, قازاقستان قانداي جاعداي بولماسىن سانكتسييالارعا تٸكەلەي دە, جاناما دا ٸلٸكپەيدٸ. سەبەبٸ بٸزدٸڭ مەملەكەت بارلىق ەلمەن جاقسى قارىم-قاتىناستا", — دەدٸ ول.
اقىشەۆ ۇلتتىق بانك ٷكٸمەتپەن بٸرلەسٸپ ۆاليۋتا نارىعىنداعى جاعدايدى زەرتتەپ جاتقانىن ايتتى.
"ۇلتتىق بانك تەڭگە باعامىنا قاتىستى بولجام جاسامايدى. حالىققا اسىعىس شەشٸم قابىلداماۋعا كەڭەس بەرەمٸن. نارىقتا قازٸر سۇرانىس پەن ۇسىنىس بالانسى جٷرٸپ جاتىر. مۇنىڭ بەرٸ سىرتقى شوكپەن, ياعني رەسەيدەگٸ جاعدايمەن بايلانىستى. ال قازاقستاندا ونداي ٶزگەرٸسكە ەش سەبەپ جوق. تەڭگە كٷشەيۋٸ دە, ەلسٸرەۋٸ دە مٷمكٸن. ايىرباس پۋنكتەرٸندە تەڭگە دە, شەتەلدٸك ۆاليۋتا دا جەتكٸلٸكتٸ. حالىق دٷرلٸگٸپ جاتقان جوق", — دەدٸ اقىشەۆ.
ول ينتەرۆەنتسيياعا قاتىستى اقپارات 7-8 مامىردا جارييالاناتىنىن اتاپ ٶتتٸ.
