2021 جىلى ەلٸمٸزدەگٸ اقىلى جولداردان 8 ملرد تەڭگە قارجى تٷسكەن. ول تابىس قايدا كەتٸپ جاتىر? اتالعان ساۋالعا «قازاۆتوجول» ۇلتتىق كومپانيياسىنىڭ اقىلى جولدار ديرەكتسيياسى ديرەكتورىنىڭ ورىنباسارى سەكەن ەدٸلبەكوۆ جاۋاپ بەردٸ, دەپ حابارلايدى قازاقپارات.
«ٶتكەن جىلدىڭ قورىتىندىسى بويىنشا اقىلى جولداردان 8 ملرد تەڭگە تٶڭٸرەگٸندە قارجى تٷستٸ. تۇتىنۋشىلار تاراپىنان اقىلى جولدان تٷسكەن تابىس قايدا كەتٸپ جاتىر? دەگەن ساۋال تۋىنداپ جاتادى. اقىلى جولداردان تٷسكەن اقى, سول جولداردى كٷتٸپ باپتاۋ مەن ساپاسىن ارتتىرا تٷسۋگە جۇمسالادى. مىسالى, بٸر اقىلى جول بەكەتٸن الايىق. ول بەكەتتٸ فوتو جەنە بەينەباقىلاۋ كامەراسىمەن قامتۋ, سونداي-اق بەكەتكە ەلەكتر جەلٸسٸ مەن ينتەرنەت تارتۋ مەسەلەسٸ بار. ودان بٶلەك, بەكەت اۋماعىندا مەتەوستانتسييا قويۋ مەسەلەسٸ قارالىپ جاتىر. ول دەگەنٸمٸز نە? ٶزدەرٸڭٸز بٸلەسٸزدەر, ەلٸمٸزدٸڭ سولتٷستٸك اۋماعىندا قىستىگٷنٸ بٸر وبلىستىڭ ٶزٸندە اۋا رايى ەرتٷرلٸ بولىپ جاتادى. ياعني اقمولا وبلىسىنىڭ بٸر اۋدانىندا بوران بولسا, باسقا اۋداندا اياز سوعىپ تۇرادى. بٸز بٷگٸندە اۋا رايىن ٶزٸمٸز انىقتاپ, جەتكٸزٸپ وتىرامىز. الداعى ۋاقىتتا ول جۇمىس مەتەوستانتسييانىڭ كٶمەگٸمەن اۆتوماتتى تٷردە انىقتالاتىن بولادى», - دەدٸ سەكەن ەدٸلبەكوۆ «قازاۆتوجول» ۇلتتىق كومپانيياسى ۇيىمدىرعان باسپاسٶز تۋرى بارىسىندا.
ونىڭ ايتۋىنشا, اقىلى جولداردان تٷسكەن قارجىنىڭ 80 پايىزى سول جولداردى دامىتا تٷسۋگە جۇمسالادى.
«ٶتكەن جىلدىڭ قاراشا ايىندا ەلٸمٸزدەگٸ اقىلى جولداردىڭ قاتارى تاعى 7 جول ۋچاسكەسٸمەن تولىقتى. ەرينە, جولدى اقىلى ەتكەننەن كەيٸن, ونىڭ ساپاسى مەن ينفراقۇرىلىمى سوعان سەيكەس بولۋى كەرەك. مٸنە, اقىلى جولدان تٷسكەن قاراجات جول ساپاسىن ارتتىرۋعا جۇمسالىپ جاتىر. ەرينە, جولدان تٷسكەن تابىس بويىنشا سالىق تٶلەنەدٸ. دەگەنمەن تٷسكەن قارجىنىڭ دەنٸ جولدى كٷتٸپ-باپتاۋعا باعىتتالادى», - دەيدٸ ول.
