اقىلى جول بويىندا سىنىپ قالعان كٶلٸكتٸ ەۆاكۋاتور باراتىن جەرٸنە دەيٸن تەگٸن جەتكٸزٸپ بەرەدٸ. بۇل تۋرالى «قازاۆتوجول» ۇلتتىق كومپانيياسىنىڭ اقىلى جولدار ديرەكتسيياسى ديرەكتورىنىڭ ورىنباسارى سەكەن ەدٸلبەكوۆ باق ٶكٸلدەرٸنە ارنالعان باسپاسٶز تۋرى بارىسىندا مەلٸم ەتتٸ, دەپ حابارلايدى قازاقپارات تٸلشٸسٸ.
«ەگەر سٸزدٸڭ كٶلٸگٸڭٸز اقىلى جول بويىندا سىنىپ قالعان جاعدايدا, بٸز ونى بارا جاتقان جەرٸڭٸزگە تەگٸن جەتكٸزٸپ بەرەتٸن بولامىز. ياعني اقىسىز ەۆاكۋاتسييالايمىز. بۇل مەسەلە قازٸر قارالىپ جاتىر. اتالعان شارا جوسپار بويىنشا بيىل ٸسكە قوسىلماق. قوسىمشا حابار بەرٸلەدٸ. نەگٸزٸ جولدا بۇزىلىپ قالعان نەمەسە جول-كٶلٸك وقيعاسىنا تاپ بولعان كٶلٸكتەردٸ ەۆاكۋاتسييالاۋ بۇعان دەيٸن دە بار قىزمەت. وقىس وقيعا بولعان جاعدايدا بٸزدٸڭ ماماندار ٷنەمٸ قول ۇشىن سوزادى», - دەدٸ سەكەن ەدٸلبەكوۆ تٸلشٸلەردٸڭ ساۋالىنا جاۋاپ بەرە تۇرىپ.
ودان بٶلەك, ۇلتتىق كومپانييا ٶكٸلٸ قولايسىز اۋا رايى تۋرالى ەسكەرتۋگە قۇلاق اسپاي, جولعا شىققان كٶلٸك يەلەرٸنە ايىپپۇل سالۋ مەسەلەسٸنە قاتىستى پٸكٸر بٸلدٸردٸ.
«بٸز بۇل باستامانى قولدايمىز. نەگە? سەبەبٸ بٸز ٷشٸن باستىسى ادامنىڭ قاۋٸپسٸزدٸگٸ. جولاۋشىلاردىڭ ٶمٸر قاۋٸپسٸزدٸگٸ بٸرٸنشٸ كەزەكتٸ. سوندىقتان جولعا شىعار الدىندا اۋا رايىنا مەن بەرٸپ, قولايسىز بولعان جاعدايدا ساپاردان باس تارتۋعا كەڭەس بەرەمٸز. ەگەر اتالعان شارا زاڭ اياسىندا قابىلدانىپ جاتسا قۇبا-قۇپ قولدايمىز», - دەيدٸ ول.
