دٸن - قۇدايلىق ايانعا نەگٸزدەلگەن سەنٸم جٷيەسٸ بولعانىمەن ونىڭ تەجٸريبەسٸندە ادامدىق فاكتور بار. ياعني دٸندٸ ۇستانۋشى ادام. قۇدايلىق اقيقاتقا گەگەمونييا جاساپ, اقىل ويعا تۇساۋ سالۋ - دٸندٸ قوعامدا پروبلەمانىڭ كٶزٸنە اينالدىرىپ جٸبەرەدٸ. سوندىقتان اقىل - قۇدايلىق اقيقاتتى تانۋدىڭ ٶلشەمٸ. تٸپتٸ ۋاحيدى ۇعۋدىڭ جالعىز ەپيستەمولوگييالىق نەگٸزٸ. اقىلعا سالما, دٸن بۇيرىقتارى اقىلعا سالىنبايدى دەپ ايتۋ - ەھلٸ حاديس ٶكٸلدەرٸنٸڭ مەتودى. ەبۋ حانيفانىڭ تەولوگييالىق تٷسٸنٸگٸندە اقىل باستى ورىندا. سوندىقتان دا يراك عۇلامالارىن ەھلٸ راي (ويعا سالۋشىلار) دەگەن. قۇراننىڭ نە حاديستٸڭ مازمۇنىن اقىلعا سالماۋ, تەك قانا بەلگٸلٸ بٸر يمام مەن ۇستازدىڭ عانا تەپسٸرٸنە بايلاۋ - فۋندامەنتاليزم. اياتتى جوققا شىعارمايىنشا ادامدى دٸننەن شىعارا المايمىز. ال اياتقا قاتىستى ەرتٷرلٸ پٸكٸردٸڭ بولۋى زاڭدىلىق.
شارتى زاحيري ماعىناعا قايشى كەلمەۋٸ. تەۋيلگە, اقىل قورىتىندىلارىنا قارسى شىعۋ - دوگماتيزمدٸ, دٷمشەلٸكتٸ تۋعىزادى. مۇنىڭ كەلەسٸ ساتىسى سول دوگماتتاردى قابىل الماعانداردى, پٸكٸرٸمەن كەلٸسپەگەندەردٸ ايىپتاۋمەن كٶرٸنٸس تابادى. مۇنىڭ راديكال فورماسى - تەكفيرشٸلٸك (كٷپٸرلٸكپەن ايىپتاۋ). ياعني, ەكسترەميزمگە ٶتۋ پروتسەسٸ. ول ناقتى ەرەكەتكە اينالعاندا كسەنوفوبييا مەن تەرروريزمدٸ تۋعىزادى. دٸن تٷبٸندە عايىپقا دەگەن سەنٸممەن كٶرٸنٸس تاباتىن دٷنيەتانىم بولعانىمەن عايىپقا يمان كەلتٸرۋدٸڭ شارتتارى دا قيسىنعا نەگٸزدەلۋٸ كەرەك.
مىسالى اللانى ەشكٸم كٶرمەسە دە بولمىس اتۋلىنىڭ باستاۋىندا مٸندەتتٸ بولمىستىڭ تۇرۋىن اقىل شارت دەپ قابىلدايدى. مۋحارريك ەۋۋال (پەرۆوپريچينا) سىندى قۇداي جايلى تٷسٸنٸك تازا راتسيونالدى پايىمنان باستاۋ الاتىن فيلوسوفييالىق قورىتىندى. سول سەكٸلدٸ دٸن شارتتارى دا قيسىننان شىقسا ادامنىڭ جاتتانۋىن تۋعىزادى. دٸني سانا سەزٸمدٸ راتسيونالدى ھەم ادامسٷيگٸشتٸك جولعا سالماي, تەك بٸر توپتىڭ مٷددەسٸنە جىعىپ بەرەتٸن بولسا قاۋٸپتٸڭ كٶزٸنە اينالادى. اقىلعا سالۋعا بولمايدى دەۋشٸلەر ٷلكەن قاسٸرەتكە جول اشىپ جاتقانىن ۇقپايدى.
اسىلتاي تاسبولاتتىڭ فەيسبۋكتاعى جازباسىنان
