اقتٶبەدە 11 شاعىناۋدان تۇرعىندارى ەكٸمدٸكتٸڭ شەشٸمٸمەن كەلٸسپەدٸ. ستاديون ورنىنا تۇرعىن ٷي سالماق بولعان كەسٸپكەرگە قارسىلىق بٸلدٸرگەن ولار ٶز ويلارىن اشىق بٸلدٸردٸ, دەپ حابارلايدى "ۇلت اقپارات".
اقتٶبە قالاسى 11 شاعىن اۋدان تۇرعىندارى «كٶپقاباتتى ٷي اۋلاسىنداعى شاعىن ستاديونعا تاعى ٷي سالامىز» دەگەن ەسكەرتۋدٸ ەستٸگەن كەزدە قارسىلىق بٸلدٸردٸ. ولار بۇل حاباردى قۇرىلىس كومپانيياسىنان بٸلٸپ, ابدىراپ قالماي, جينالىپ, ٶز ويلارىن اشىق ايتتى.
«قالا ەكٸمدٸگٸ زەينەتكەرلەرگە ارناپ ساۋىقتىرۋ ورتالىقتارىن اشتى. بٸراق بارار جەر الىس. سوندىقتان بٸز ٷي ماڭىنداعى ستاديونعا كەلەمٸز. وسىندا جٷرەمٸز, سەرۋەندەيمٸز. كٷتٸمٸ ناشار بولسا دا بۇل الاڭ بٸزدٸڭ تىنىعاتىن ورنىمىز. مۇندا ادام كٶپ, ال دەمالىس ورنى جوق. ٶزٸمٸز, بالالارىمىز, نەمەرەلەرٸمٸز ٷشٸن الاڭدى ساقتاپ قالعىمىز كەلەدٸ»,- دەدٸ قالا تۇرعىنى قاراشاش ٶكسٸكباەۆا.
ايتا كەتەيٸك, بۇل شاعىن اۋداندا ورتا مەكتەپ تە بار. وقۋشىلار دا دەنە شىنىقتىرۋ پەنٸندە شىعىپ, جٷگٸرەدٸ.
«سپورتشىلار, بالالار, ەرەسەكتەر دە وسى جەردە سپورتپەن شۇعىلدانادى. مۇنى بەرٸ كٶرٸپ جٷر. سپورت الاڭىنا تۇرعىن ٷي سالۋ دۇرىس ەمەس», - قالا تۇرعىنى گٷلنار تەمٸرجانوۆا.
تۇرعىنداردىڭ نارازىلىعىن ەستٸلەگەن اقتٶبە قالالىق ەكٸمدٸگٸ شەشٸمدٸ قايتا قاراپ شىقتى.
«بۇل جەر قالا مەنشٸگٸندە بولدى. كەيٸن «نەكتار» ٶندٸرٸستٸك كووپەراتيۆٸنٸڭ جەكە مەنشٸگٸنە بەرٸلدٸ. سول كەزدە قالالىق سەۋلەت, قالا قۇرىلىسى بٶلٸمٸنٸڭ باسشىسى كەلٸپ, بۇل تۋرالى تۇرعىندارعا تٷسٸندٸرگەن. تۇرعىندار ٶز قارسىلىعىن بٸلدٸرگەن سوڭ قالا ەكٸمدٸگٸ «نەكتار» ٶندٸرٸستٸك كووپەراتيۆٸ باسشىسىمەن قايتا كەلٸسسٶز جٷرگٸزدٸ. كەلٸسٸم جاسالدى. ٷي سالىنبايدى. جەر ۋچاسكەسٸ قالاعا قايتارىلادى. بٸر اپتادا شەشٸمٸ شىعادى», - اقتٶبە قالالىق جەر قاتىناستارى بٶلٸمٸنٸڭ باس مامانى جەنٸبەك قابىلوۆ.
